အာဆင်နယ်အသင်းကစားသမားတွေဖြစ်တဲ့ ထရိုဆတ်ဒ် နဲ့ ကာလာဖီအိုရီ တို့ FA ဖလားပွဲစဉ်မှာ ဒဏ်ရာအသီးသီးရရှိခဲ့ပါတယ်။ အဆိုပါပွဲစဉ်ရဲ့ပွဲချိန် ၃၈ မိနစ်မှာ ထရိုဆတ်ဒ် နဲ့ ၇၆ မိနစ်မှာ ကာလာဖီအိုရီ တို့ ဒဏ်ရာရရှိခဲ့တာကြောင့် လူစားလဲခဲ့ရပါတယ်။ ဒါကြောင့် အာဆင်နယ်အသင်းဟာ အခုပွဲစဉ် Line-up မှာ နောက်ဆုံးပွဲ ပွဲထွက်စာရင်းကို ရှစ်နေရာအထိ အပြောင်းအလဲပြုလုပ်ခဲ့ကြောင်း သိရပါတယ်။ ကာလာဖီအိုရီ ဟာ မကြာသေးခင်ကမှ ကြွက်သားဒဏ်ရာနဲ့ ၁၀ ပွဲအထိ လွဲချော်ခဲ့ရပြီး လတ်တလော ပြန်ကစားနိုင်ခဲ့ပေမယ့် အခုလိုဒဏ်ရာထပ်မံရရှိခဲ့တာ ဖြစ်ပါတယ်။ ဒါ့အပြင် အာဆင်နယ်အသင်းမှာ ဆာလီဘာ၊ အော်ဒီဂွါ၊ မယ်ရီနိုနဲ့ ဘင်ဝှိုက်တို့လည်း ဒဏ်ရာရရှိနေပြီး မယ်ရီနိုက ရာသီကုန်အထိ အနားယူရမှာဖြစ်ပါတယ်။ (NVS 008)