ပြည်မြို့၊ သရေခေတ္တရာ၊ ပျူမြို့ဟောင်း၌ မန္တလေးငလျင်ကြီးကြောင့် ထိခိုက်ခဲ့တဲ့ဘောဘောကြီးစေတီတော် ပြန်လည်ပြုပြင်မွမ်းမံနေမှုကို ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်း သွားရောက်ကြည့်ရှုစစ်ဆေးခဲ့ပါတယ်။ ကြည့်ရှုစဉ်မှာ စေတီတော်ကြီးက တန်ဖိုးမဖြတ်နိုင်တဲ့ ရှေးဟောင်းယဉ်ကျေးမှုအမွေအနှစ်များဖြစ်၍ ဆွေးမြေ့အုတ်များ ဖယ်ရှားရာမှာ ရှေးဟောင်းပုံစံတူအုတ်ဖြင့် ပြန်လည်အစားထိုးရန်၊ အက်ကွဲကြောင်းများအတွင်း Lime Grouting လောင်းခြင်းအပြင်စေတီတော်လုံးပတ်တော်မှာ ပေါက်ရောက်လျက်ရှိတဲ့ ညောင်ပင်များကို ဓာတုဗေဒဆေးနဲ့ ပေါင်းသတ်ဖယ်ရှားရန် တာဝန်ရှိသူများကို ဝန်ကြီးချုပ်က လမ်းညွှန်မှာကြားခဲ့ပါတယ်။ ဘောဘောကြီးစေတီတော်ကြီးကို ဒွတ္တပေါင်မင်းကြီးက အေဒီ ၆ ရာစုနှင့် ၇ ရာစုကြားမှာ တည်ထား ကိုးကွယ်ခဲ့တဲ့ စေတီတော်ဖြစ်ပြီး ဉာဏ်တော် ၄၆ ဒသမ ၆၃၄ မီတာ၊ လုံးပတ်တော်သည် ၆၄ ဒသမ ၈ မီတာ ရှိကာ စေတီတော်၏ ပုံသဏ္ဌာန်ပစ္စယံငါးဆင့်ခံ၍ ၎င်းပစ္စယံပေါ်မှာ ထုလုံးရှည်(ဆလင်ဒါ) ပုံအုတ်စေတီကိုတည်ထားခြင်း ဖြစ်ပါတယ်။ (NVS 004)