၂၀၂၆ ကမ္ဘာ့ဖလားပြိုင်ပွဲတွင် ရေဓာတ်ပြန်ဖြည့်ရန် Hydration Break ပေးမည်ဖြစ်ကြောင်း ကမ္ဘာ့ဘောလုံး အဖွဲ့ချုပ်(FIFA)က ထုတ်ပြန်ကြေညာခဲ့ပါတယ်။ FIFA က ကစားသမားများရဲ့ ကျန်းမာရေးမှာ အဓိကဦးစားပေးဖြစ်ပြီး အသင်းအားလုံး တန်းတူညီတူ အခွင့်အရေး ရရှိမည်ဖြစ်ကြောင်း သတင်းထုတ်ပြန်ခဲ့ပါတယ်။ ကမ္ဘာ့ဖလားပြိုင်ပွဲတွင် ပထမပိုင်းနှင့် ဒုတိယပိုင်းပွဲချိန် ၂၂ မိနစ်ရောက်တိုင်း ခေတ္တရပ်ပြီး သုံးမိနစ်စီ အနားပေးမှာဖြစ်ပါတယ်။ ကမ္ဘာ့ဖလားပြိုင်ပွဲဘောလုံးပွဲစဉ်များ လက်ခံကျင်းပမည့် ၁၆ ကွင်းအနက် ၁၀ ကွင်းမှာ ရာသီဥတုအပူဒဏ် ခံရဖွယ်ရှိနေတာကြောင့် Hydration Break ပေးရန် စီစဉ်ခြင်းဖြစ်ကြောင်း သိရပါတယ်။(NVS 008)