ရွှေတိဂုံစေတီတော်တွင် မြန်မာ့ရိုးရာ ထမနဲပွဲတော်ကြီးကို ဇန်နဝါရီလ ၃၁ ရက်တွင် ကျင်းပသွားမည် ဖြစ်ကြောင်း သိရပါတယ်။ အဆိုပါ ထမနဲပွဲတော်အတွက် တစ်ဒယ်လျှင် ငွေကျပ် တစ်သိန်းနှုန်းဖြင့် လှူဒါန်းနိုင်ပြီး လှူဒါန်းသည့် အလှူရှင်များကို ဂေါပကအဖွဲ့မှ ထမနဲလက်ဆောင် (၄) ပုံ (၁) ပုံကို ပြန်လည်ပေးအပ်သွားမှာဖြစ်ပါတယ်။ ထမနဲထိုးပွဲတော်ကို ရွှေတိဂုံစေတီတော်၏ အရှေ့ဘက်မုခ်စောင်းတန်းအနီးရှိ ထန်းပင်ကုန်းကွင်းတွင် အဖိတ်နေ့ ညနေပိုင်း ၃ နာရီတွင် စတင်ကျင်းပပြုလုပ်မှာဖြစ်ပါတယ်။ တပို့တွဲလပြည့်နေ့ ဖေဖော်ဝါရီလ ၁ ရက် နံနက် ၅ နာရီတွင် စေတီတော်ကြီးအား ဆွမ်းတော်ကြီးဆက်ကပ်လှူဒါန်းပြီး ထမနဲ၊ မုန့်နှင့် သစ်သီးများကိုလည်း ကပ်လှူသွားမှာဖြစ်ပါတယ်။ ထမနဲအလှူရှင်များအတွက် ထမနဲလက်ဆောင်ကို ဇန်နဝါရီလ ၂၇ ရက်မှ ဖေဖော်ဝါရီ ၁ ရက် နံနက်ပိုင်းအထိ တစ်ဒယ်လျှင် (၄) ပုံ (၁) ပုံနှုန်း လက်ဆောင်ပြန်လည်ပေးဝေရန် စီစဉ်ထားသလို အဆိုပါပွဲတော်အတွက် အလှူခံ ဌာနကိုလည်း ဖွင့်လှစ်ထားပြီဖြစ်ကြောင်းသိရပါတယ်။(NVS 004)