မြန်မာ့ရိုးရာလက်ဝှေ့သမား စိုးလင်းဦး ဟာ ONE Championship မှာ ပွဲဝေးနေခဲ့တာ တစ်နှစ်နီးပါးရှိခဲ့ပေမယ့် အခုအခါမှာတော့ လာမယ့်ဇန်နဝါရီလ ၂၃ ရက်မှာ ကျင်းပမယ့် ONE Friday Fights 139 ပြိုင်ပွဲမှာ ထိုင်းလူငယ်ဖိုက်တာ ဝိုရာပွန်နဲ့ ယှဥ်ပြိုင်ထိုးသတ်ရမှာဖြစ်ပါတယ်။အသက် ၃၄ နှစ်ရှိပြီဖြစ်တဲ့ စိုးလင်းဦး ဟာ ONE Championship မှာ ၆ ပွဲထိုး၊ ၃ ပွဲနိုင်၊ ၃ ပွဲရှုံးနိမ့်ထားပါတယ်။ စိုးလင်းဦး အနေနဲ့ နောက်ဆုံးထိုးသတ်ထားတဲ့ ၃ ပွဲဆက်တိုက်ကို အမှတ်နဲ့ရှုံးနိမ့်ထားပြီး နောက်ဆုံးပွဲအဖြစ် ယှဉ်ပြိုင် ထိုးသတ်ခဲ့တဲ့ ရုရှားဖိုက်တာ ဒီမီထရီ နဲ့ ပွဲစဉ်မှာလည်းအမှတ်နဲ့ ရှုံးနိမ့်ခဲ့တာ ဖြစ်ပါတယ်။ စိုးလင်းဦးနဲ့ ထိုးသတ်မယ့် ဝိုရာပွန် ဟာ အသက် ၂၃ နှစ်သာ ရှိသေးပြီး ONE Championship မှာ ၁၁ ပွဲထိုး၊ ၆ ပွဲနိုင်၊ ၅ ပွဲရှုံးနိမ့်ထားပါတယ်။ (NVS 008)