အနာဂတ်လူငယ်များ ဖွံ့ဖြိုးတိုးတက်ရေးကဏ္ဍအတွက် ရည်ရွယ်၍ သက်ကြီးရွယ်အိုပြုစုစောင့်ရှောက်ရေး သင်တန်းဖွင့်ပွဲအခမ်းအနားကို ရန်ကုန်မြို့ ကျိုက်ဝိုင်းဘုရားလမ်း၊ လူမှုဝန်ထမ်းအတတ်သင်သိပ္ပံကျောင်း၌ ဇန်နဝါရီလ ၁၂ ရက် နံနက်ပိုင်းတွင် ဖွင့်လှစ်ခဲ့ကြောင်း သိရပါတယ်။ အဆိုပါသင်တန်းကို လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်း ဦးစီးဌာနနှင့် Excellent Myanmar Advisory Group(Alpha)Company Limited တို့ပူးပေါင်း၍ဖွင့်လှစ်ခဲ့တာ ဖြစ်ပါတယ်။ အခမ်းအနားမှာ မြန်မာနိုင်ငံအမျိုးသမီးရေးရာအဖွဲ့ချုပ်ဥက္ကဋ္ဌဒေါက်တာ သက်သက်ဇင်၊ ရန်ကုန်တိုင်းဒေသကြီး အစိုးရအဖွဲ့ သယံဇာတရေးရာဝန်ကြီး ဦးဇော်ဝင်း တို့က အဖွင့်အမှာစကား ပြောကြားခဲ့ပြီး E.M.A.G (Alpha)Co.,Ltd.မှ မန်နေဂျင်းဒါရိုက်တာ ဒေါက်တာ ဘုန်းမြင့် က သင်တန်းနှင့်ပတ်သက်ပြီး ရှင်းလင်းပြောကြား ခဲ့ပါတယ်။ အခမ်းအနားသို့ မြန်မာနိုင်ငံအမျိုးသမီးရေးရာအဖွဲ့ချုပ်၊ ဥက္ကဋ္ဌ ဒေါက်တာ သက်သက်ဇင်၊ ရန်ကုန်တိုင်း ဒေသကြီးအစိုးရအဖွဲ့မှ တာဝန်ရှိသူများ၊ ရန်ကုန်တိုင်းဒေသကြီး အမျိုးသမီးရေးရာအဖွဲ့၊ မိခင်နှင့်ကလေး စောင့်ရှောက်မှုကြီးကြပ်ရေးအဖွဲ့၊ မြန်မာနိုင်ငံကြက်ခြေနီအသင်း၊ E.M.A.G (Alpha)Co.,Ltd.မှ တာဝန်ရှိသူများ၊ လူမှုဝန်ထမ်းဦးစီးဌာနမှ တာဝန်ရှိသူများ၊ မိတ်ဖက်အဖွဲ့အစည်းများ၊ ဖိတ်ကြားထားသောဧည့်သည်တော်များနှင့် သင်တန်းသားများ တက်ရောက်ခဲ့ကြပါတယ်။ သင်တန်းကာလကို ၃ လ ဖွင့်လှစ်သင်ကြားပေးသွားမည်ဖြစ်ကြောင်း သိရပါတယ်။ (NVS 004)