“ကစားသမားသစ်တွေရဲ့ ဒဏ်ရာပြဿနာများအပေါ် ညည်းတွားနေတဲ့ အာနယ်ဆလော့”
31 Dec
လီဗာပူးလ်အသင်းနည်းပြ အာနယ်ဆလော့ က နွေရာသီမှာ ခေါ်ယူခဲ့တဲ့ ကစားသမားသစ်တွေရဲ့ ဒဏ်ရာ ပြဿနာအပေါ် ညည်းတွားခဲ့ပါတယ်။ ဗြိတိန်စံချိန်တင်ပြောင်းရွှေ့ကြေးနဲ့ ခေါ်ယူခဲ့တဲ့ အီဆက်ခ် က အသင်းကိုရောက်လာချိန်မှာပဲ ဒဏ်ရာပြဿနာ တွေနဲ့ ရုန်းကန်နေရပြီး အခုလည်း ခြေထောက်ဒဏ်ရာနဲ့ နှစ်လနီးပါး နားရတော့မှာဖြစ်ပါတယ်။ ဒါ့အပြင် နောက်ခံကစားသမား လီယိုနီ က ရာသီပထမဆုံးပွဲမှာပဲ ဒူးဒဏ်ရာရခဲ့တာကြောင့် တစ်ရာသီလုံး အနားယူရတော့မှာ ဖြစ်ပါတယ်။ နောက်ခံအစွန်လူ ဖရင်ပေါင် ကလည်း တံကောက်ကြောဒဏ်ရာ ပြဿနာရှိနေတာ ဖြစ်ပါတယ်။ အဆိုပါ ကစားသမားသုံးဦးရဲ့ ပြောင်းရွှေ့ကြေးက ပေါင်သန်း ၂၀၀ နီးပါး ရှိခဲ့ပါတယ်။ ဒါဟာ လီဗာပူးလ်အသင်း နွေရာသီကာလမှာ အသုံးပြုခဲ့တဲ့ ပြောင်းရွှေ့ကြေးရဲ့ ထက်ဝက်ခန့်ရှိနေတာ ဖြစ်ပါတယ်။ (NVS 008)
31 Dec
