အာဆင်နယ်အသင်း တောင်ပံတိုက်စစ်ကစားသမား မာတင်နယ်လီ အနေနဲ့ ချန်ပီယံလိဂ်တွင် ငါးပွဲဆက် ဂိုးသွင်းယူနိုင်သည့် ပထမဆုံး အာဆင်နယ်အသင်းကစားသမားအဖြစ် စံချိန်မှတ်တမ်းဝင်ခဲ့ပါတယ်။ မာတင်နယ်လီ ဟာ ချန်ပီယံလိဂ်ပွဲစဉ်အဖြစ် အာဆင်နယ်အသင်းက ဘရုဂျက်အသင်းကို သုံးဂိုး၊ ဂိုးမရှိဖြင့် အနိုင်ရရှိခဲ့သည့်ပွဲစဉ်တွင် သွင်းဂိုးတစ်ဂိုး သွင်းယူပေးခဲ့ပြီးနောက် ယခုလိုမှတ်တမ်းတစ်ရပ်ကို ပိုင်ဆိုင်ခဲ့ခြင်း ဖြစ်ပါတယ်။ မာတင်နယ်လီ ဟာ အာဆင်နယ်အသင်းနှင့်အတူ ၂၀၁၉-၂၀၂၀ မှ လက်ရှိဘောလုံးရာသီအထိ ပြိုင်ပွဲစုံ ၂၄၂ ပွဲကစားပြီး ၅၇ ဂိုးသွင်းယူကာ ခြေစွမ်းပြထားနိုင်ခဲ့ပါတယ်။ အသက် ၂၄ နှစ်အရွယ် မာတင်နယ်လီ က အခုလို စံချိန်မှတ်တမ်းကောင်းတစ်ရပ် ပိုင်ဆိုင်ခဲ့လို့ ပျော်ရွှင်မိ ကြောင်းနဲ့ နောက်ထပ်သွင်းဂိုးတွေအပြင် အသင်းအောင်မြင်မှုများရရှိဖို့ ဆက်လက်ကြိုးစားသွားမှာဖြစ်ကြောင်း ပြောကြားခဲ့ပါတယ်။(NVS 008)