ထိုင်းအပြေးသမား ပူရီပေါလ်ဘွန်ဆွန် ဟာ ၂၀၂၅ ဆီးဂိမ်းစ်ပြိုင်ပွဲ မီတာ ၁၀၀ ပွဲစဉ်မှာ ၁၀ စက္ကန့်အောက် ပြေးနိုင်တဲ့ ပထမဆုံး အရှေ့တောင်အာရှကစားသမားအဖြစ် မှတ်တမ်းဝင်ခဲ့ပါတယ်။ အသက် ၁၉ နှစ်အရွယ် ဘွန်ဆွန် ဟာ heat အဆင့်မှာ ၉ ဒသမ ၉၄ စက္ကန့် ပြေးနိုင်ခဲ့ပြီး မှတ်တိုင်သစ် စိုက်ထူနိုင်ခဲ့တာ ဖြစ်ပါတယ်။ ယခင်က အရှေ့တောင်အာရှအပြေးသမားတွေထဲမှ အမြန်ဆုံးအဖြစ် အင်ဒိုနီးရှားနိုင်ငံသား ဇိုရီ က ၂၀၁၉ Seiko Golden Grand Prix မှာ ၁၀ ဒသမ ၀၃ စက္ကန့်စံချိန်တင်ခဲ့တာ ဖြစ်ပါတယ်။ လက်ရှိကျင်းပလျက်ရှိတဲ့ ဆီးဂိမ်းစ်ပြိုင်ပွဲ Final ပွဲစဉ်မှာလည်း ဘွန်ဆွန် က ၁၀ စက္ကန့်နဲ့ပြေးပြီး ရွှေတံဆိပ် ဆုကို ဆွတ်ခူးနိုင်ခဲ့ပါတယ်။ ဘွန်ဆွန် ဟာ ၂၀၀၉ ဆီးဂိမ်းစ်ပြိုင်ပွဲမှာ အင်ဒိုနီးရှားအပြေးသမား ဝီဘိုဝို တင်ရှိခဲ့တဲ့ ၁၀ ဒသမ ၁၇ စက္ကန့်ကိုကျော်ဖြတ်ကာ ပြိုင်ပွဲစံချိန်သစ်လည်း တင်နိုင်ခဲ့ပါတယ်။ (NVS 008)