အမေရိကန်၊ မက္ကဆီကိုနှင့် ကနေဒါတို့ ပူးတွဲအိမ်ရှင်အဖြစ်ကျင်းပမည့် ၂၀၂၆ ဖီဖာကမ္ဘာ့ဖလားအတွက် အုပ်စုခွဲဝေမှု ထွက်ပေါ်ခဲ့ပြီ ဖြစ်ပါတယ်။ အုပ်စုခွဲဝေမှုအရ ဘရာဇီးအသင်းက စကော့တလန်၊ မော်ရိုကိုတို့နှင့် အုပ်စု (C) မှာ ကျရောက်နေပါတယ်။ မော်ရိုကိုအသင်းက ပြီးခဲ့တဲ့ ကမ္ဘာ့ဖလားပြိုင်ပွဲ၌ ဆီမီးဖိုင်နယ်အထိ တက်ရောက်ခဲ့တဲ့ အသင်းဖြစ်ပါတယ်။ နာမည်ကြီး အင်္ဂလန်အသင်းက အုပ်စု (L) ၌ ဥရောပပြိုင်ဘက် ခရိုအေးရှား၊ ဂါနာအသင်းတို့နှင့် တွေ့ဆုံနေပါတယ်။ ပေါ်တူဂီအသင်းက အုပ်စု (K) တွင် ကိုလံဘီယာ၊ ဥဇဘတ်ကစ္စတန်အသင်းတို့နှင့် ယှဉ်ပြိုင်ရမှာ ဖြစ်ကာ လက်ရှိချန်ပီယံ အာဂျင်တီးနားအသင်းက အယ်ဂျီးရီးယား၊ သြစတြီးယား၊ ဂျော်ဒန်တို့နှင့် အုပ်စု (J) ၌ တစ်အုပ်စုတည်းကျရောက်နေပါတယ်။ ဒါ့အပြင် ပြင်သစ်အသင်းဟာ နော်ဝေနှင့် အုပ်စု(I)တွင် တစ်အုပ်စုတည်း ကျရောက်နေခဲ့ပါတယ်။ အုပ်စုခွဲဝေမှုတွေ ထွက်ပေါ်လာပြီးနောက် အင်္ဂလန်နည်းပြ တူချဲလ် က မိမိတို့အသင်းကျရောက်နေတဲ့ အုပ်စုဟာ ခက်ခဲမှုရှိ‌ကြောင်းနှင့် ပြိုင်ဖက်အသင်းများကို လျှော့တွက်လို့ မရကြောင်း သုံးသပ်ပြောကြားခဲ့ပါတယ်။ (NVS 008)