၂၀၂၆ ခုနှစ် တစ်နှစ်တာအကောင်းဆုံး လူငယ်ကစားသမားဆုအတွက် အဆင့်သတ်မှတ်ချက်တွင် ဘာစီလိုနာ အသင်းမှ တိုက်စစ်ကစားသမား လမိုင်းယာမယ် က ထိပ်ဆုံးမှဦးဆောင်နေကြောင်း သိရပါတယ်။ တစ်နှစ်တာအကောင်းဆုံး လူငယ်ကစားသမားဆုကို ကမ္ဘာတစ်ဝန်းမှ အသက်၂၁ နှစ်အောက် သမားများမှ စိစစ်ရွေးချယ်ခြင်းဖြစ်ပြီး ကလပ်အသင်းနှင့် သက်ဆိုင်ရာ လက်ရွေးစင်အသင်းများတွင် အရေးပါမှု၊ စွမ်းဆောင်ရည်၊ အနာဂတ်အတွက် အရေးပါမှုတို့ကို အခြေခံပြီး စိစစ်ရွေးချယ်ခြင်းဖြစ်ပါတယ်။ လမိုင်းယာမယ် အနေနဲ့ ၂၀၂၅ ခုနှစ်အတွက် တစ်နှစ်တာအကောင်းဆုံး လူငယ်ကစားသမားဆုကို ဆွတ်ခူးခဲ့ပြီး ယခုနှစ်ဘောလုံးရာသီတွင်လည်း ဘာစီလိုနာအသင်းနှင့် စပိန်အသင်းတို့တွင် အဓိက ကစားသမား တစ်ဦးအဖြစ် ခြေစွမ်းပြနိုင်ခဲ့လို့ ၂၀၂၆ ခုနှစ် တစ်နှစ်တာအကောင်းဆုံး လူငယ်ကစားသမားဆုအတွက် အဆင့်သတ်မှတ်ချက်တွင် ထိပ်ဆုံး၌ ရပ်တည်နိုင်ခဲ့ခြင်းဖြစ်ပါတယ်။ ၂၀၂၆ ခုနှစ် တစ်နှစ်တာအကောင်းဆုံး လူငယ်ကစားသမားဆုအတွက် အဆင့်သတ်မှတ်ချက်တွင် ထိပ်ဆုံး ၁၀ ဦး နေရာ၌ လမိုင်းယာမယ် ရဲ့နောက်တွင် ပီအက်စ်ဂျီအသင်းမှ ဒူယီ နှင့် ဂျာအိုနာဗက်၊ ရီးရဲလ်မက်ဒရစ်အသင်းမှ အာဒါဂူလာ၊ ချဲလ်ဆီးအသင်းမှ အက်စတီဗာအို၊ ရီးရဲလ်မက်ဒရစ်အသင်းမှ ဟူဂျီဆန်၊ ဘာစီလိုနာအသင်းမှ ကူဘာစီ နှင့် ဂါဘီ၊ ပီအက်စ်ဂျီအသင်းမှ ဇိုင်ရီအမ်မရီ၊ ဂျူဗင်တပ်အသင်းမှ ယီဒက်ဇ် တို့က အစဉ်လိုက်ရပ်တည်နေခဲ့ ကြပါတယ်။(NVS 008)