ခရစ္စတယ်ပဲလေ့စ်တောင်ပံခံစစ်ကစားသမား ဒန်နီရယ်လ်မူနော့ဇ် မန်ယူအသင်းမှာ ကစားခွင့်ရဖို့ဆိုတာ မိမိအိပ်မက်ဖြစ်ကြောင်း အံ့အားသင့်ဖွယ် ပြောကြားခဲ့ပါတယ်။ မူနော့ဇ် ဟာ ပဲလေ့စ်သင်းရဲ့ အဓိကကစားသမားတစ်ဦးဖြစ်ပြီး FA Cup ဗိုလ်လုပွဲမှာ မန်စီးတီးဘက်ကို အနိုင်ဂိုးသွင်းနိုင်ဖို့ ဖန်တီးပေးခဲ့ပါတယ်။ ပြီးခဲ့တဲ့ရာသီပြိုင်ပွဲစုံမှာ ခြောက်ဂိုးသွင်းပြီး ရှစ်ဂိုးအထိ ဖန်တီးပေးနိုင်ခဲ့ ပါတယ်။ မူနော့ဇ် ဟာ ပြီးခဲ့တဲ့နွေရာသီကလည်း ဘာစီလိုနာ၊ ချန်ပီယံလိဂ်ချန်ပီယံ PSG အသင်းတို့က ခေါ်ယူရန် စိတ်ဝင်စားမှုရရှိခဲ့ပါတယ်။ မူနော့ဇ် အနေနဲ့ ၂၀၂၄ ခုနှစ် ဇန်နဝါရီလက ဘယ်လ်ဂျီယံကလပ် KRCဂျန့်အသင်းကနေ ပဲလေ့စ်အသင်းကို ပြောင်းရွှေ့လာတာဖြစ်တယ်။ ပရီးမီးယားလိဂ်ကို မရောက်ခင် သူကစားခဲ့တဲ့ ကလပ်တွေမှာ စုစုပေါင်း ၃၅ ဂိုးအထိ သွင်းယူနိုင်ခဲ့တဲ့ နောက်ခံလူလည်း ဖြစ်ပါတယ်။ (NVS 008)