၂၀၂၅ ခုနှစ်အတွက် ဥရောပအကောင်းဆုံး လူငယ်ကစားသမားဆုအဖြစ် သတ်မှတ်ခံရတဲ့ Golden Boy ဆုကို PSG တိုက်စစ်ကစားသမား ဒူအီ က ရရှိခဲ့ကြောင်း သိရပါတယ်။ Golden Boy ဆုကို အီတလီအားကစားသတင်းစာ Tuttosport က ဖန်တီးချီးမြှင့်တာဖြစ်ပြီး ဥရောပမှာ ယှဉ်ပြိုင်ကစားနေတဲ့ အသက် ၂၁ နှစ်အောက်ကစားသမားများ သာ အကျုံးဝင်တာ ဖြစ်ပါတယ်။ အသက် ၂၀ သာရှိသေးတဲ့ ပြင်သစ်ကစားသမား ဒူအီ ဟာ ပြီးခဲ့တဲ့ ၂၀၂၄-၂၅ ဘောလုံးရာသီမှာ PSG အသင်း နဲ့အတူ ဖလားသုံးလုံးအောင်ပွဲရရှိခဲ့သူဖြစ်ပြီး ပြိုင်ပွဲစုံ ၆၁ ပွဲကစားကာ ၁၆ ဂိုး သွင်းယူနိုင်ခဲ့ပါတယ်။ ဒူအီ ဟာ ပြင်သစ် လိဂ်ရဲ့ အကောင်းဆုံးလူငယ်ကစားသမားဆုနဲ့ ချန်ပီယံလိဂ်ပြိုင်ပွဲရဲ့ အကောင်းဆုံးလူငယ်ကစားသမားဆုတို့ကို ရရှိခဲ့ သလို၊ နွေရာသီမှာ ကျင်းပခဲ့တဲ့ ကလပ်ကမ္ဘာ့ဖလားပြိုင်ပွဲမှာ အကောင်းဆုံးလူငယ်ကစားသမားဆုကို ထပ်မံရရှိခဲ့တာ ဖြစ်ပါတယ်။ (NVS 008)