အင်တာမိုင်ယာမီအသင်းခေါင်းဆောင် တိုက်စစ်မှူး မက်ဆီ ဟာ အောက်တိုဘာလအတွက် မေဂျာလိဂ် အကောင်းဆုံးကစားသမားဆု ရရှိခဲ့ကြောင်း သိရပါတယ်။ မက်ဆီဟာ အောက်တိုဘာလအတွင်း ယှဉ်ပြိုင်ကစားခဲ့တဲ့ မေဂျာလိဂ် ၃ ပွဲမှာ သွင်းဂိုး ၅ ဂိုးအထိသွင်းပြီး ဂိုးဖန်တီးမှု ၅ ကြိမ်ဖန်တီးပေးခဲ့တာကြောင့် အကောင်းဆုံးကစားသမားဆု ရရှိခဲ့ခြင်းဖြစ်ပါတယ်။ မက်ဆီအနေနဲ့ လအလိုက်အကောင်းဆုံးကစားသမားဆုကို ဒီရာသီအတွင်း (၃) ကြိမ်မြောက်(မေ၊ ဇူလိုင်၊ အောက်တိုဘာ) ရရှိခဲ့တာဖြစ်ပြီး အင်တာမိုင်ယာမီမှာ ကစားခဲ့တဲ့သက်တမ်းအတွင်းဆိုရင်တော့ (၅)ကြိမ်မြောက်ရရှိခြင်းဖြစ်ကြောင်း သိရပါတယ်။ မက်ဆီဟာ ၂၀၂၅ ရာသီ မေဂျာလိဂ်ပြိုင်ပွဲရဲ့ ဂိုးသွင်းအများဆုံးကစားသမားဆုကို ၂၉ ဂိုးနဲ့ ရယူနိုင်ခဲ့ပြီ ဖြစ်သလို၊ အကောင်းဆုံးကစားသမားဆုကို နှစ်ရာသီဆက်တိုက်ရရှိဖို့ ရေပန်းစားနေပါတယ်။ (NVS 008)