နော်ဝေလက်ရွေးစင်နဲ့ မန်စီးတီးအသင်းတိုက်စစ်မှူး ဟာလန်း အနေနဲ့ ပြိုင်ပွဲစုံ ၁၁ ပွဲဆက် ဂိုးသွင်းယူနိုင်တဲ့ စံချိန်မှတ်တမ်းတစ်ရပ်ကို ပိုင်ဆိုင်ခဲ့ပါတယ်။ အသက် ၂၅ နှစ်အရွယ် တိုက်စစ်မှူး ဟာလန်း ဟာ ပရီးမီးယားလိဂ်ပွဲစဉ်အဖြစ် မန်စီးတီးအသင်းက အဲဗာတန်အသင်းကို နှစ်ဂိုး၊ ဂိုးမရှိဖြင့် အနိုင်ရရှိခဲ့တဲ့ပွဲစဉ်တွင် အသင်းအတွက် အဖိုးတန်သွင်းဂိုးနှစ်ဂိုးလုံးကို သွင်းယူပေးပြီးနောက် ယခုလို မှတ်တမ်းတစ်ရပ်ကို ပိုင်ဆိုင်ခဲ့ခြင်းဖြစ်ပါတယ်။ မန်စီးတီးအသင်းနဲ့အတူ ၂၀၂၂-၂၀၂၃ မှ လက်ရှိရာသီအထိ ပြိုင်ပွဲစုံ ၁၅၆ ပွဲကစားပြီး ၁၃၈ ဂိုးအထိ သွင်းယူထားနိုင်တာဖြစ်ပါတယ်။ ဟာလန်း က အခုလို စံချိန်မှတ်တမ်းကို ပိုင်ဆိုင်ခဲ့လို့ ပျော်ရွှင်မိကြောင်းနဲ့ နောက်ထပ်လည်း စံချိန်ကောင်းတွေ ရယူသွားဖို့နဲ့ အသင်းနဲ့အတူ ပရီးမီးယားလိဂ်ချန်ပီယံဆုကို ရယူသွားနိုင်ရန် ကြိုးစားသွားမယ်လို့ ပြောခဲ့ပါတယ်။(NVS 008)