“ကစားသမားဘဝ ဟက်ထရစ် ၂၇ ကြိမ်အထိ ရှိလာတဲ့ ဟာလန်း”
13 Oct
နော်ဝေတိုက်စစ်မှူး ဟာလန်း ဟာ အစ္စရေးကို ၅ ဂိုးပြတ်အနိုင်ရရှိခဲ့တဲ့ ကမ္ဘာ့ဖလားခြေစစ်ပွဲမှာ ဟက်ထရစ်သွင်းခဲ့ပြီး ကစားသမားဘဝ ဟက်ထရစ် ၂၇ ကြိမ် ရှိလာခဲ့ပါတယ်။ ဟာလန်း ဟာ နော်ဝေအသင်းအတွက် ခြောက်ကြိမ်၊ မိုလ်ဒီအသင်းအတွက် တစ်ကြိမ်၊ ဆာလ်ဇ်ဘာ့ဂ်အသင်း အတွက် ငါးကြိမ်၊ ဒေါ့မွန်အသင်းအတွက် လေးကြိမ်၊ မန်စီးတီးအသင်းအတွက် ၁၁ ကြိမ် သွင်းယူခဲ့ပါတယ်။ နိုင်ငံလက်ရွေးစင်အသင်းသမိုင်းမှာ ဟက်ထရစ်အများဆုံးဖြစ်ကြတဲ့ စီရော်နယ်လ်ဒိုနဲ့ မက်ဆီ(၁၀ ကြိမ်)တို့ကို လိုက်မီဖို့ လေးကြိမ်သာ လိုပါတော့တယ်။ ဟာလန်း အနေနဲ့ နိုင်ငံလက်ရွေးစင်အသင်းသမိုင်းတစ်လျှောက် ပွဲအနည်းဆုံးနဲ့ ဂိုး ၅၀ ပြည့်တဲ့ ကစားသမားလည်း ဖြစ်လာခဲ့ပါတယ်။ ဟာလန်းဟာ အခုဟက်ထရစ်အပါအဝင် နိုင်ငံသွင်းဂိုး ၅၁ ဂိုး ရှိလာကာ ၄၆ ပွဲသာ ကစားခဲ့ရပြီး ယခင်စံချိန်တင်ထားတဲ့ ဟာရီကိန်းရဲ့ ၇၁ ပွဲကို ကျော်ဖြတ်ခဲ့ ပါတယ်။ ၎င်းဟာ အခုရာသီမှာ ကလပ်နဲ့ နိုင်ငံအသင်းအတွက် ၁၀ ပွဲဆက် ဂိုးသွင်းနိုင်ခဲ့တာဖြစ်တယ်။ အခုရာသီ ပြိုင်ပွဲစုံ ၁၂ ပွဲသာ ကစားထားရပေမဲ့ ဂိုးပေါင်း ၂၁ ဂိုးအထိ သွင်းထားနိုင်ခဲ့ပါတယ်။ (NVS 008)
