လက်ရွေးစင်လူစာရင်းကနေ ဒဏ်ရာကြောင့် နုတ်ထွက်သွားတဲ့ ချဲလ်ဆီးနောက်ခံလူ ရီစီဂျိမ်းစ် ရဲ့နေရာ အတွက် မန်စီးတီးအသင်းလူငယ်နောက်ခံလူ အိုရယ်လီ ကို အင်္ဂလန်အသင်းက အစားထိုးခေါ်ယူလိုက်ပါတယ်။ ရီစီဂျိမ်းစ် ဟာ လီဗာပူးလ်အသင်းကို အနိုင်ရခဲ့တဲ့ပွဲမှာ ဒဏ်ရာရခဲ့ပြီးနောက် လက်ရွေးစင်အသင်းမှ နုတ်ထွက် သွား တာ ဖြစ်ပါတယ်။ အသက် ၂၀ အရွယ် အိုရယ်လီ ဟာ အင်္ဂလန်ယူ-၂၁ လက်ရွေးစင်ကစားသမားဖြစ်ပြီး အင်္ဂလန်အသင်းကြီး အတွက် ပထမဆုံးအကြိမ် ခေါ်ယူခဲ့ခြင်းလည်း ဖြစ်ပါတယ်။ မန်စီးတီးအသင်းကို အသက် ၈ နှစ်ထဲက ရောက်နေတဲ့ အိုရယ်လီ ဟာ ပြီးခဲ့တဲ့ဘောလုံးရာသီမှာ အသင်းကြီးအတွက် ပထမဆုံးအကြိမ် ကစားခွင့်ရခဲ့ပြီး ၂၁ ပွဲမှာ ၅ ဂိုးအထိ သွင်းယူပေးနိုင်ခဲ့ပါတယ်။ ပြီးခဲ့တဲ့နွေရာသီက ကျင်းပတဲ့ ကလပ်ကမ္ဘာ့ဖလားပြိုင်ပွဲအတွက် မန်စီးတီးအသင်းလူစာရင်းမှာ ပါဝင်ခဲ့ပြီး အခုရာသီမှာ အိုရယ်လီ ဟာ မန်စီးတီးအသင်းအတွက် ၉ ပွဲအထိ ကစားပေးထားပါတယ်။(NVS 008)