အင်းလေးဒေသမှ ဖောင်တော်ဦး ရုပ်ရှင်တော်မြတ်များသည် စက်တင်ဘာလ ၂၉ ရက်တွင် ညောင်ရွှေမြို့ ကျောင်းတော်မှာ ကြွရောက်အပူဇော်ခံလျက်ရှိကြောင်း သိရပါတယ်။ ဖောင်တော်ဦးရုပ်ရှင်တော်မြတ်များက ရှေးရိုးရာ အစဉ်အလာအတိုင်း သီတင်းကျွတ်လဆန်းတစ်ရက် (စက်တင်ဘာလ ၂၂ ရက်)မှ စတင်၍ အင်းလေးဒေသ ၂၁ ဌာနသို့ အပူဇော်ခံ ကြွရောက်လျက်နေခြင်း ဖြစ်ပါတယ်။ အခုလို ကြွရောက်အပူဇော်ခံတဲ့ပွဲတော်က အောက်တိုဘာလ ၉ ရက်အထိဖြစ်ကာ အောက်တိုဘာလ ၉ ရက်မှာ ရေသာကျောင်းမှ ဖောင်တော်ဦးကျောင်းတော်သို့ ပြန်လည်ကြွရောက်မှာ ဖြစ်ပါတယ်။ ညောင်ရွှေမြို့ကို ကြွရောက် အပူဇော်ခံချိန်မှာ ညောင်ရွှေမြို့ အင်းရိုးရာခြေထောက်နဲ့ လှေလှော်ပြိုင်ပွဲများလည်း ကျင်းပလျက်ရှိနေပါတယ်။ (NVS 004)