အာဆင်နယ်အသင်းနည်းပြ အာတီတာ က ဆာကာ ရဲ့တံကောက်ကြောဒဏ်ရာ ပြင်းထန်မှာကို စိုးရိမ်နေ ပါတယ်။ ဆာကာဟာ အာဆင်နယ်ရဲ့ အခုရာသီအိမ်ကွင်းပွဲဦးထွက်အဖြစ် လိဒ်စ်ကို ၅ ဂိုးပြတ်နဲ့ အနိုင်ရတဲ့ပွဲမှာ အသင်းအတွက် ဒုတိယဂိုးကိုလည်း သွင်းယူပေးခဲ့ပါတယ်။ ဒါပေမယ့် တံကောက်ကြောဒဏ်ရာရခဲ့တာကြောင့် ၅၃ မိနစ်မှာပဲ ထရိုဆတ်ဒ်နဲ့ လူစားလဲခဲ့ရပါတယ်။ ဆာကာ ဒဏ်ရာမရရှိခင် အသင်းခေါင်းဆောင် အော်ဒီဂွါ ကလည်း ပခုံးဒဏ်ရာရခဲ့လို့ ၃၈ မိနစ်မှာ လူငယ်ကြယ်ပွင့် နွမ်နယ်ရီနဲ့ လူစားလဲခဲ့ရပါတယ်။ ဆာကာ ဟာ ပြီးခဲ့တဲ့ရာသီကလည်း တံကောက်ကြောဒဏ်ရာနဲ့ လေးလနီးပါး အနားယူခဲ့ရပါတယ်။ (NVS 008)