ဗီယက်နမ်နိုင်ငံက အိမ်ရှင်အဖြစ် လက်ခံကျင်းပနေတဲ့ ၂၀၂၅ အာဆီယံ အမျိုးသမီးချန်ပီယံရှစ်ပြိုင်မှာ ဗိုလ်လုပွဲသို့ ရောက်ရှိသွားသော မြန်မာအမျိုးသမီး ဘောလုံးအသင်းကို နိုင်ငံတော်လုံခြုံရေးနှင့် အေးချမ်းသာယာရေး ကော်မရှင်ဥက္ကဋ္ဌ၊ ဗိုလ်ချုပ်မှူးကြီး မင်းအောင်လှိုင်က ဂုဏ်ပြုဆုငွေ ဒေါ်လာ ၃၀,၀၀၀ ချီးမြှင့်ခဲ့ကြောင်း သိရပါတယ်။ မြန်မာအမျိုးသမီးအသင်းက ဩဂုတ်လ ၁၆ ရက်က ထိုင်းအမျိုးသမီးအသင်းကို ၂ ဂိုး ၁ ဂိုးနဲ့ အနိုင်ယူကာ ဗိုလ်လုပွဲသို့ တက်ရောက်ခဲ့ခြင်း ဖြစ်ပါတယ်။ မြန်မာနိုင်ငံဘောလုံးအဖွဲ့ချုပ် MFF ၏ ထုတ်ပြန်မှုတွင် ဗိုလ်လုပွဲ တက်ရောက်ခဲ့တဲ့ မြန်မာ့လက်ရွေးစင် အမျိုးသမီးအသင်းက လက်ရှိမှာ အမေရိကန်ဒေါ်လာ ၃၀,၀၀၀ နှင့် မြန်မာကျပ်ငွေ သိန်း ၂,၀၀၀ ဆုငွေရရှိထားပါတယ်။ မြန်မာလက်ရွေးစင်အမျိုးသမီးဘောလုံးအသင်းက လာမည့်ဩဂုတ်လ ၁၉ ရက် မြန်မာစံတော်ချိန်ည ၇ နာရီခွဲတွင် ဩစတြေးလျအသင်းနှင့် ဗီယက်နမ်နိုင်ငံ Lach Tray Stadium မှာ ဗိုလ်လုပွဲ ယှဉ်ပြိုင်ကစားသွားရမှာ ဖြစ်ပါတယ်။ (NVS 008)