“အစ္စရေးတပ်ဖွဲ့က ဂါဇာစီးတီးကိုသိမ်းပိုက်ယူမည့် အစီအစဉ်နှင့်ပတ်သက်ပြီး တဲလ်အဗစ်မြို့နေပြည်သူများ ဆန္ဒထုတ်ဖော်”
11 Aug
အစ္စရေးတပ်ဖွဲ့က ဂါဇာကမ်းမြောင်ဒေသ၌ စစ်ဆင်ရေးများတိုးချဲ့လုပ်ဆောင်ကာ ဂါဇာစီးတီးကို သိမ်းပိုက် ယူမည့်အစီအစဉ်နှင့်ပတ်သက်ပြီး တဲလ်အဗစ်မြို့နေပြည်သူများက ဩဂုတ်လ ၉ ရက်တွင် ဆန့်ကျင် ဆန္ဒထုတ်ဖော် ခဲ့ကြောင်း သိရသည်။ တိုက်ပွဲများ ပိုမိုပြင်းထန်လာပါက ဟားမတ်စ်တို့ ဖမ်းဆီးထားသည့် ဓားစာခံများ၏ အသက် အန္တရာယ် ပိုမိုစိုးရိမ်ရကြောင်း ဆန္ဒထုတ်ဖော်သူများက ပြောကြားသည်။ ဆန္ဒထုတ်ဖော်သူ သောင်းနှင့်ချီ ပါဝင် ခဲ့ကြောင်းနှင့်အဆိုပါဆန္ဒထုတ်ဖော်သူများတွင် ဓားစာခံများ၏မိသားစုဝင်များပါဝင်ကြောင်း အစ္စရေးမီဒီယာများ က ဖော်ပြသည်။ အချို့က ဓားစာခံများ၏ဓာတ်ပုံများကို ကိုင်ဆောင်ကာ "အိမ်ပြန်လာပါ" ဟု ကြွေးကြော် ခဲ့ကြ သည်။ အစ္စရေးအစိုးရက ဂါဇာ၌ စစ်ဆင်ရေးတိုးချဲ့လုပ်ဆောင်ရန် ဩဂုတ်လ ၈ ရက်က အစိုးရအဖွဲ့ အစည်းအဝေး တွင် အတည်ပြုခဲ့ခြင်းဖြစ်သည်။ လက်ရှိတွင် အစ္စရေးနှင့် ဟားမတ်စ်တို့ကြား အပစ်အခတ်ရပ်စဲရေး ဆွေးနွေးပွဲများ ရပ်တန့်လျက်ရှိသည်။ လူဦးရေတစ်သန်းနီးပါးနေထိုင်သည့် ဂါဇာ စီးတီးသည် ဒေသတွင်း၌ အကြီးဆုံးမြို့ဖြစ်သည်။ နိုင်ငံတစ်ဝန်းရှိ ပြည်သူများက ဂါဇာစီးတီးကို သိမ်းယူရန် စစ်ဆင်ရေးတိုးချဲ့မည့် အစီအစဉ်နှင့် ပတ်သက်ပြီး ကန့်ကွက်လျက်ရှိသည်ဟု NHK သတင်းဌာနဖော်ပြချက်အရ သိရသည်။
