“နိုင်ငံကူးလက်မှတ်သက်တမ်းတိုးချိန်မှာ အခကြေးငွေပေးရပါက တိုင်ကြားနိုင်”c
11 Aug
စင်္ကာပူနိုင်ငံတွင်ရောက်ရှိနေသော မြန်မာနိုင်ငံသားများအနေဖြင့် စင်္ကာပူနိုင်ငံဆိုင်ရာ မြန်မာသံရုံးတွင် နိုင်ငံကူးလက်မှတ် သက်တမ်းတိုးရက်ချိန်းရရန် အခကြေးငွေပေးရပါက သက်ဆိုင်ရာအထောက်အထားများပြသ၍ တိုင်ကြားနိုင်ကြောင်း စင်္ကာပူမြို့ရှိ မြန်မာသံရုံးမှ ထုတ်ပြန်ခဲ့ပါတယ်။ မြန်မာသံရုံး၊ စင်္ကာပူမြို့တွင် နိုင်ငံကူးလက်မှတ်သက်တမ်း ၁၄ လကျန်ရှိသော မြန်မာနိုင်ငံသားများအနေဖြင့် သံရုံး၏ whatsapp နံပါတ်များဖြစ်သည့် +6581748993 နှင့် +6582468581 တို့ထံ အချက်အလက်များပေးပို့၍ ရက်ချိန်းရယူရန်အသိပေးထားပေမယ့် မသိရှိသေးသောသူများကို မြန်မာနိုင်ငံသားအချင်းချင်း စာနာထောက်ထားမှု မရှိဘဲ အခကြေးငွေရယူပြီး ရက်ချိန်းယူပေးခြင်းများရှိနေကြောင်း သိရပါတယ်။ ဒါကြောင့် နိုင်ငံကူးလက်မှတ် သက်တမ်းတိုးရက်ချိန်းရရန် အခကြေးငွေပေးရပါက ငွေလက်ခံသူ၏ အမည်၊ ငွေပေးချေထားမှုအထောက်အထား၊ ဖုန်းနံပါတ်များအား သံရုံး၏ whatsapp နံပါတ် +6581748993 နှင့် [email protected] တို့သို့ ဆက်သွယ်တိုင်ကြားနိုင်ကြောင်း သိရပါတယ်။ ထို့ပြင်နိုင်ငံကူးလက်မှတ်သက်တမ်းတိုးရာတွင် သတ်မှတ်နှုန်းထား များထက် ပိုမိုကောက်ခံပါက ကောင်စစ် အရာရှိ/သံရုံးတာဝန်ခံအရာရှိများထံတိုင်ကြားနိုင်ကြောင်း သိရပါတယ်။ မြန်မာသံရုံး၊ စင်္ကာပူ၌ နိုင်ငံကူးလက်မှတ် သက်တမ်းတိုးခြင်းကိုသာ ရက်ချိန်းရယူရမည်ဖြစ်ပြီး ကျန်ကောင်စစ်ဆိုင်ရာ များအတွက် ရက်ချိန်းရယူရန်မလိုဘဲ သံရုံးဖွင့်ရက်များ၏ နံနက် ၉ နာရီခွဲမှ မွန်းတည့် ၁၂ နာရီအတွင်း လာရောက် ပြုလုပ်နိုင်ကြောင်း သိရပါတယ်။ (NVS 004)
