တရုတ်လေယာဉ်တင်သင်္ဘောကြီး ဆန်းတုန်းဦးဆောင်သော ရေတပ်စစ်ရေယာဉ်စုမှာ တရုတ်နိုင်ငံ ဗဟိုစစ်ကော်မရှင်၏ ခွင့်ပြုချက်အရ ဇူလိုင်လ ၃ ရက်မှ ၇ ရက်အထိ တရုတ်နိုင်ငံ၊ ဟောင်ကောင်ဒေသသို့ အလည်အပတ် ခရီးစဉ် သွားရောက်မည်ဟု ဇွန်လ ၂၈ ရက် တရားဝင်ကြေညာချက်အရ သိရသည်။ အဆိုပါ ရေတပ်စစ်ရေယာဉ်စုတွင် ပဲ့ထိန်းဒုံးကျည်တပ်ဆင်ထားသော ဖျက်သင်္ဘောများဖြစ်သည့် Yan'an နှင့် Zhanjiang၊ ဒုံးကျည်တပ်ဆင်ထားသော ဖရီးဂိတ်စစ်သင်္ဘော Yuncheng တို့လည်း ပါဝင်မည်ဖြစ်ကာ ချစ်ကြည်ရေး ခရီးစဉ်နှင့် ယဉ်ကျေးမှုဖလှယ်သည့် အစီအစဉ်အများအပြား ပြုလုပ်မည်ဟုသိရသည်။ ဟောင်ကောင် တစ်နယ်တည်းသားချင်းများအနေဖြင့် ခေတ်သစ်ကာလ၌ တရုတ်နိုင်ငံ၏ အမျိုးသားကာကွယ် ရေးနှင့် စစ်ဘက်ဆိုင်ရာ တိုးတက်အောင်မြင်မှုများကို ပိုမိုပွင့်လင်းနက်ရှိုင်းစွာ သိမြင်နားလည်လာစေရန် ရည်ရွယ်သည့် အနေဖြင့် ထိုအစီအစဉ်များကို ပြုလုပ်သွားမည်ဖြစ်သည်။ ၁၉၉၇ ခုနှစ်တွင် အမိမြေသို့ ဟောင်ကောင် ပြန်လည်ရောက်ရှိချိန်မှစ၍ တရုတ်ပြည်သူ့လွတ်မြောက်ရေး တပ်မတော်ရေတပ်၏ သင်္ဘောများမှာ ဟောင်ကောင်သို့ ရှစ်ကြိမ်တိုင်တိုင် ပုံသဏ္ဌာန်အမျိုးမျိုးဖြင့် အလည်အပတ်ခရီးစဉ် သွားရောက်ခဲ့ခြင်းဖြစ်ကာ ပထမဆုံးခရီးစဉ်ကို ၂၀၀၁ ခုနှစ်ကသွားရောက်ခဲ့ပြီး နောက်ဆုံးအနေဖြင့် ၂၀၂၄ ခုနှစ်က နှစ်ကြိမ်သွားရောက်ခဲ့ကြောင်း သိရသည်။