အေစီမီလန်အသင်းသို့ ပြောင်းရွှေ့ရန် သဘောတူညီမှုရထားပြီးဖြစ်တဲ့ မိုဒရစ်
27 Jun
ရီးရဲလ်ကွင်းလယ်ကစားသမားဟောင်း မိုဒရစ် အနေနဲ့ ကလပ်ကမ္ဘာ့ဖလားပြိုင်ပွဲအပြီးမှာ အေစီမီလန် အသင်းနဲ့ပူးပေါင်းရန် နှုတ်အားဖြင့် သဘောတူညီမှုရထားပြီးဖြစ်ကြောင်း အေစီမီလန်အားကစားဒါရိုက်တာ တာရီ က အတည်ပြု ပြောကြားခဲ့ပါတယ်။ တာရီ က အေစီမီလန်အသင်းအတွက် ခေါင်းဆောင်နိုင်စွမ်းရှိတဲ့ မိုဒရစ် ကဲ့သို့ ကစားသမားရောက်ရှိလာခြင်းက အသင်းရဲ့လိုအပ်နေတဲ့အရာ ဖြစ်တယ်လို့ပြောကြားခဲ့ပါတယ်။ စက်တင်ဘာလမှာ အသက် ၄၀ ပြည့်မည့် မိုဒရစ် ဟာ ကလပ်ကမ္ဘာ့ဖလားပြိုင်ပွဲမစင်ကပင် အေစီမီလန်အသင်းနဲ့ ပုဂ္ဂိုလ်ရေးအရ သဘောတူညီချက်ရရှိထားတယ်လို့ သတင်းများက ဖော်ပြခဲ့ကြပါတယ်။ မိုဒရစ် ဟာ အေစီမီလန်အသင်းနဲ့ တစ်နှစ်သက်တမ်းနဲ့ စာချုပ်ချုပ်ဆိုမှာဖြစ်ပြီး နောက်ထပ်တစ်နှစ်အတွက် အလိုအလျောက် သက်တမ်းတိုးခွင့်ပါဝင်ကာ တစ်နှစ်လုပ်ခ ဒေါ်လာ ၄ သန်း ရရှိမှာဖြစ်ပါတယ်။ မိုဒရစ် အနေနဲ့လည်း လာမယ့်ကမ္ဘာ့ဖလားပြိုင်ပွဲဝင် ခရိုအေးရှားအသင်းမှာ ပါဝင်နိုင်ဖို့အတွက် ကလပ်အသင်းမှာ ပုံမှန်ကစားခွင့်နဲ့အတူ ကြံ့ခိုင်မှုအကောင်းဆုံးဖြစ်နေစေဖို့အတွက် မျှော်လင့်နေပါတယ်။ မိုဒရစ် ဟာ ရီးရဲလ်အသင်း နဲ့အတူ ၁၃ နှစ်ကြာ ကာလအတွင်း အဓိကဆုဖလား ၂၈ ခုအထိ ရယူထားနိုင်ခဲ့ပြီးနောက် ပြီးခဲ့တဲ့ရာသီအကုန်မှာ ရီးရဲလ်အသင်းနဲ့ လမ်းခွဲခဲ့တာ ဖြစ်ပါတယ်။(NSV 008)
