မန္တလေးငလျင်ကြီးဒဏ်ကြောင့် ရှမ်းပြည်နယ်၊ ညောင်ရွှေမြို့နယ်၊ အင်းလေးဒေသရှိ ကျေးရွာ ၃၂၁ ရွာကို လျှပ်စစ်ဓာတ်အားပေးထားတဲ့ ၁၁ ကေဗွီဓာတ်အားလိုင်းများ၊ ၄၀၀ ဗို့ဓာတ်အားလိုင်းများ၊ ထရန်စဖော်မာနှင့် ဓာတ်အားလွှတ်ပစ္စည်းများယိုင်လဲ၍ ချို့ယွင်းပျက်စီးကာ ယာယီဓာတ်အားပြတ်တောက်မှုများ ဖြစ်ပေါ်ခဲ့ကြောင်း သိရပါတယ်။ အခုလိုပျက်စီးမှုများကို ညောင်ရွှေမြို့နယ်လျှပ်စစ်အင်ဂျင်နီယာရုံးမှ ကျွမ်းကျင်ဝန်ထမ်းများက ပြန်လည် ပြင်ဆင်မှုများပြုလုပ်ခဲ့ပြီး ဇွန်လ ၇ ရက်အထိ ကျေးရွာ ၃၁၇ ရွာရှိ ဓာတ်အားလိုင်းများကို ပြန်လည် ပြုပြင်ပြီးစီးခဲ့ပြီး ကျန်ရှိတဲ့ကျေးရွာ ၄ ရွာမှ ပြုပြင်ရန်ကျန်ရှိနေသော ၄၀၀ ဗို့ဓာတ်အားလိုင်းကို အမြန်ဆုံးပြန်လည်ပြုပြင်လျက် ရှိကြောင်း သိရပါတယ်။ (NVS 004)