မန္တလေးတိုင်းဒေသကြီး၊ မြန်မာနိုင်ငံ လူမှုကယ်ဆယ်ရေးအဖွဲ့မှ ကြီးမှူး၍ ဒုတိယအကြိမ် Speed Boat အသုံးပြု ရေပြင်ကယ်ဆယ်ရေးသင်တန်းကို ဇွန်လ ၁၁ ရက်မှာ စတင်ဖွင့်လှစ်မည်ဖြစ်ပြီး ကယ်ဆယ်သမား ၅၀ ဦး တက်ရောက်သင်ကြားသွားမည်ဖြစ်ကြောင်း သိရပါတယ်။ ဇွန်လ ၁၁ ရက်မှ ၁၅ ရက်အထိ ၅ ရက်ကြာ သင်တန်းပို့ချသွားမည်ဖြစ်ကာ ကယ်ဆယ်ရေးသုံး Speed Boat အမျိုးအစားများအကြောင်း၊ တစ်ဦးခြင်း (သို့)အုပ်စုဖွဲ့ မောင်းနှင်ခြင်း စာတွေ့သင်ခန်းစာများ၊ ကယ်ဆယ်ရေးသုံး အင်ဂျင်များအကြောင်း၊ ကယ်ဆယ်ရေးသုံး အင်ဂျင်များပြုပြင်ခြင်း၊ ရေပြင်ကယ်ဆယ်ရေး ဆောင်ရွက်နေစဉ် ဖြစ်ပွား တတ်သော အခက်အခဲများအား ဖြေရှင်းနည်းကို သင်ကြားပေးသွားမည်ဖြစ်ကြောင်း သိရပါတယ်။ ဒါ့အပြင် ရေစုန်/ ရေဆန်/ရေငြိမ်ကမ်းကပ်ခြင်း နှင့် ရေလှိုင်းတို့ ၏ သဘောသဘာဝများ၊ ရေပြင်အသက်ကယ် ဆောင်ရွက်ခြင်း နည်းစနစ်များ၊ စွမ်းရည်မြင့် Intelligent Life Buoy မောင်းနှင်ကယ်ဆယ်ခြင်းသဘောတရားများ၊ ရေပြင်ကယ်ဆယ် ရေးသုံး Life Line Shooter အသုံးပြုခြင်း နည်းစနစ်များနှင့် Sonar & GPS အသုံးပြုခြင်း နည်းလမ်းများကို သင်ကြားပို့ချပေးသွားမည်ဖြစ်ကြောင်း သိရပါတယ်။ (NVS 004)