နိုင်ငံတကာဘောလုံးသမိုင်းနှင့် စာရင်းအင်းအဖွဲ့(IFFHS) သမိုင်းတစ်လျှောက် ထာဝရအကောင်းဆုံးဘောလုံး သမား ၁၀ ဦးစာရင်းကို ထုတ်ပြန်ကြေညာခဲ့ပါတယ်။ IFFHS မှ ထုတ်ပြန်ခဲ့သော ထာဝရအကောင်းဆုံးကစားသမား ၁၀ ဦးစာရင်းမှာ အာဂျင်တီးနားတိုက်စစ်မှူး မက်ဆီ က ထိပ်ဆုံးနံပါတ် ၁ နေရာ၌ ရပ်တည်ခဲ့ပြီး ဘရာဇီးလ်ဂန္ထဝင် ပီလီက ဒုတိယ၊ အာဂျင်တီးနားဂန္ထဝင် မာရာဒိုနာ က တတိယ၊ စီရော်နယ်ဒို က စတုတ္ထနေရာ ရပ်တည်ခဲ့ပြီး ယိုဟန်ခရိုက်ဖ်(နယ်သာလန်)၊ ရော်နယ်ဒို(ဘရာဇီးလ်)၊ ဇီဒန်း(ပြင်သစ်)၊ ဘက်ကင်ဘောင်ဝါ(ဂျာမနီ)၊ ဒီစတီဖာနို(အာဂျင်တီးနား)၊ ရော်နယ်လ်ဒင်ဟို(ဘရာဇီးလ်)တို့က အစဉ်လိုက်ရပ်တည်နေခဲ့ပါတယ်။ အဆိုပါစာရင်းထုတ်ပြန်ခဲ့ပြီးနောက် မကြာမီမှာပဲ စီရော်နယ်လ်ဒို ကို အဆင့်(၄)နေရာသာ သတ်မှတ်ခြင်းကို ဝေဖန်မှုများစွာရှိခဲ့ကြောင်း သိရပါတယ်။ စီရော်နယ်ဒို က လက်ရှိအချိန်အထိ ကမ္ဘာ့ဖလားချန်ပီယံဆု ရယူနိုင်ခြင်း မရှိသေးပေမယ့် ပေါ်တူဂီအသင်းနှင့် ယူရိုချန်ပီယံဆု ရယူနိုင်ခဲ့သလို၊ မန်ယူ၊ ရီးယဲလ်၊ ဂျူဗင်တပ်စ်အသင်းတို့နှင့် ဆုဖလားများစွာ ရယူနိုင်ခဲ့သူဖြစ်ပါတယ်။ ဒါ့အပြင် ဘောလုံးလောက၏ ဂိုးသွင်းအများဆုံးကစားသမားအဖြစ် ရပ်တည်နေခြင်းနှင့် Ballon d'Or ဆုကို (၅) ကြိမ်ရရှိခဲ့သူဖြစ်တာကြောင့် ပီလီ နှင့် မာရာဒိုနာ တို့ရဲ့အထက်မှာ သတ်မှတ်ခံရသင့်တယ်လို့ ထောက်ပြနေကြပါတယ်။ (NVS 008)