ရွှေမင်းသားဖောင်ဒေးရှင်း(မြန်မာ)မှ မသန်စွမ်းသူများကို စားနပ်ရိက္ခာများ၊ အရေးပေါ်ဆေးဝါးများ၊ အိမ်သုံး ပစ္စည်းများနှင့် အမိုးအကာများကို ဆက်လက် ထောက်ပံ့သွားမည်ဖြစ်ကြောင်း အသိပေးထုတ်ပြန်ထားပါတယ်။ လက်ရှိအချိန်အထိ ရွှေမင်းသားဖောင်ဒေးရှင်း(မြန်မာ)မှ မသန်စွမ်းသူ ၈၅၀ ဦးအပါအဝင် ငလျင်ဘေးသင့် အိမ်ထောင်စု စုစုပေါင်း ၄,၅၄၀ စုကို အခြေခံ စား‌သောက်ကုန်များ၊ အရေးပေါ်ဆေးဝါးများ၊ လူသုံးကုန်ပစ္စည်းများနှင့် အမိုးအကာများ ပံ့ပိုးထားရှိပြီးဖြစ်ကြောင်း သိရပါတယ်။ လာမယ့် ၂ ပတ်အတွင်း မသန်စွမ်းအိမ်ထောင်စု ၇၂၀ ကျော်ကို ၁ လစာ စားနပ်ရိက္ခာများ၊ အရေးပေါ်ဆေးဝါး များ၊ အိမ်သုံးပစ္စည်းများနှင့် အမိုးအကာများ ဆက်လက်ပံ့ပိုးပေးသွားမှာ ဖြစ်ပါတယ်။ မတ်လ ၂၉ ရက်မှ မေလ ၁၅ ရက် ထိ ငလျင်ဘေးသင့်ပြည်သူများကို ကူညီပံ့ပိုးပေးရန်အတွက် ရွှေမင်းသားဖောင်ဒေးရှင်း(မြန်မာ)ထံသို့ လှူဒါန်းသော အလှူရရှိငွေ စုစုပေါင်းမှာ ကျပ်သိန်းပေါင်း ၁,၉၅၇ ကျော် ဖြစ်ကြောင်း သိရပါတယ်။ (NVS 004)