အင်တာအသင်း က မန်ယူကစားသမား ဇက်ဇီကို ခေါ်ယူရန် စီစဉ်နေ
17 May
စီးရီးအေထိပ်သီးကလပ်အသင်းတစ်ခုဖြစ်တဲ့ အင်တာမီလန်အသင်းဟာ မန်ယူတိုက်စစ်ကစားသမား ဇက်ဇီ ကို ယူရို ၃၅ သန်းဖြင့် ကမ်းလှမ်းရန် စီစဉ်နေကြောင်း သိရပါတယ်။ အသက် ၂၃ နှစ်အရွယ်ရှိ နယ်သာလန် လက်ရွေးစင်တိုက်စစ်ကစားသမား ဇက်ဇီဟာ ၂၀၂၄ နွေရာသီမှာ ဘိုလော့ဂ်နာအသင်းမှ မန်ယူအသင်းသို့ ယူရို ၄၂ ဒသမ ၅ သန်းဖြင့် ရောက်ရှိလာသူဖြစ်ပါတယ်။ ဇက်ဇီ ဟာ မန်ယူအသင်းမှာ ခြေစွမ်းပြနိုင်ရန် ရုန်းကန်ရနေပြီး ယခုရာသီ ပြိုင်ပွဲစုံ ၄၉ ပွဲကစားပြီး ၇ ဂိုးသာ သွင်းယူနိုင်ခဲ့ပါတယ်။ ဒါပေမယ့် ဇက်ဇီ ကို စီးရီးအေထိပ်သီးအသင်းများဖြစ်သည့် အင်တာမီလန်နှင့် နာပိုလီ အသင်းတို့က ခေါ်ယူရန် စိတ်ဝင်စားနေကြပြီး အင်တာမီလန်အသင်းက လက်ဦးမှုရယူကာ ကမ်းလှမ်းရန် စီစဉ် နေခြင်းဖြစ်ပါတယ်။ အင်တာအသင်းက ဇက်ဇီကို မန်ယူတွင် ရရှိတဲ့ လစာနှုန်းထားအတိုင်းပေးချေရန် ဆန္ဒရှိနေပြီး ပြောင်းရွှေ့ကြေးအပြင် ဆုကြေးငွေနဲ့ပါ ကမ်းလှမ်းရန် စီစဉ်နေကြောင်း သိရပါတယ်။ (NVS 008)
