မန္တလေးငလျင်ကြီးကြောင့် ပြိုကျပျက်စီးခဲ့ရတဲ့ မစိုးရိမ်တိုက်သစ်ကြီးမှာ သီတင်းသုံးနေထိုင်ကြတဲ့ စာသင်သံဃာ တော်များအတွက် မစိုးရိမ်တိုက်သစ် မြောက်ဘက်၊ သင်္ဂဇာချောင်းဘေးရှိ မြေကွက်လပ်များ၌ ယာယီစာသင်ကျောင်း ဆောင်ကို ဆောက်လုပ်လျက်ရှိတယ်လို့ သိရပါတယ်။ အဆိုပါကျောင်းဆောင် ဆောက်လုပ်ခြင်းကို WAY LIVING Readymade Home မှ တာဝန်ယူဆောက်လုပ် ပေးနေတာဖြစ်ပြီး ယာယီစာသင်ကျောင်းဆောင်ကြီးမှာ အကျယ်အဝန်းအားဖြင့် အလျား ပေ ၁၈၀ ၊ အနံ ပေ ၉၀ ၊ အမြင့် ၂၇ ပေရှိတယ်လို့ သိရပါတယ်။ ဒါ့အပြင် သံဃာတော်များသီတင်းသုံးရန် ယာယီတဲကျောင်းများကို စတင်ဆောက်လုပ်ရန် ပြင်ဆင်နေပါတယ်။ မန္တလေးငလျင်ကြီးကြောင့် မစိုးရိမ်တိုက်သစ်အတွင်းရှိ နာရီစင်ကြီးနှင့်အတူ ကျောင်းတိုက် ၁၂ တိုက် ပျက်စီးခဲ့ပါတယ်။ (NVS 004)