အင်တာမီလန်အသင်းက ယခုရာသီ ချန်ပီယံလိဂ်ပြိုင်ပွဲမှ ဝင်ငွေယူရိုသန်း ၂၀၀ နီးပါး ရရှိထားကြောင်း သိရပါတယ်။ အင်တာမီလန်အသင်းက ချန်ပီယံလိဂ်မှာ ဗိုလ်လုပွဲအထိ တက်ရောက်နိုင်ခဲ့ခြင်းကြောင့် ဆုကြေးယူရို ၁၃၃ သန်း ရရှိထားပြီး ချန်ပီယံလိဂ်အိမ်ကွင်းပွဲစဉ်များမှ ကွင်းဝင်ကြေး ယူရိုသန်း ၆၀ ရရှိထားကြောင်း သိရပါတယ်။ ဒါကြောင့် ချန်ပီယံလိဂ်ပြိုင်ပွဲမှ ဝင်ငွေအများဆုံးရရှိတဲ့ အီတလီအသင်းအဖြစ် မှတ်တမ်းဝင်ခဲ့သလို၊ ၂၀၂၂-၂၃ ရာသီမှာ ဗိုလ်လုပွဲရောက်ရှိခဲ့စဉ်က ရရှိခဲ့တဲ့ဝင်ငွေရဲ့ နှစ်ဆနီးပါး ရရှိထားပြီဖြစ်ကြောင်း သိရပါတယ်။ အင်တာမီလန် အသင်းက ချန်ပီယံလိဂ်ဗိုလ်လုပွဲမှာ PSG ကို အနိုင်ရပါက ဆုကြေး ထပ်မံရရှိမည်ဖြစ်ပြီး ယင်းသို့ စွမ်းဆောင်နိုင်ခဲ့ပါက ချန်ပီယံလိဂ်မှ ဝင်ငွေ ယူရိုသန်း ၂၀၀ အထက် ရရှိတဲ့ ပထမဆုံးစီးရီးအေကလပ်ဖြစ်လာမည်ဖြစ်ပါတယ်။ အင်တာမီလန်အသင်းသည် ပြီးခဲ့တဲ့ ၂၀၂၃-၂၄ ရာသီမှာ စံချိန်တင်ဝင်ငွေအဖြစ် ယူရို ၄၇၃ သန်းရရှိခဲ့ပြီး ယခုရာသီမှာ ၄၀ ရာခိုင်နှုန်းကျော် တိုးမြင့်ရရှိဖွယ်ရှိနေကြောင်းလည်း သိရပါတယ်။ (NVS 008)