မန္တလေးငလျင်ကြီးကြောင့် မကွေးတိုင်းဒေသကြီး၊ မင်းဘူးမြို့ နဂါးပွက်တောင်ရှိ ဘုရားခန်းနံရံများ၊ စောင်းတန်း၊ အစ်မတော် မောင်တော်အဆောင်၊ ဘောဂဝတီတန်ဆောင်း မျက်နှာကြက်နှင့် ကွန်ကရစ်အခင်းများ၊ နဂါးရေကန်၊ VIP ရုံးခန်း၊ ဝန်ထမ်းများနားနေဆောင်၊ မန္တလေးဆောင်၊ မုခ်ဦး၊ ရေကန်နှင့် ရေနုတ်မြောင်းများ အက်ကွဲပျက်စီးသွားပြီး ပျက်စီးသွားသည့်နေရာအချို့အား ပြန်လည်ပြုပြင်နိုင်ရန် ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးအေးလွင်နှင့် တာဝန်ရှိသူများက မေလ ၆ ရက်က ကြည့်ရှုစစ်ဆေးခဲ့ပါတယ်။ မင်းဘူးနဂါးပွက်တောင်သည် သမိုင်းဝင်အထင်ကရနေရာတစ်ခုဖြစ်ပြီး မကွေးမြသလွန်၊ ရှင်ပင်စက္ကိန်းတဲ၊ မန်းရွှေ စက်တော်၊ ကျောင်းတော်ရာဘုရားများနှင့် ခရီးစဉ်တစ်ဆက်တည်း တည်ရှိနေတာကြောင့် အနယ်နယ်အရပ်ရပ်မှ ခရီးသွားပြည်သူများနေနဲ့ မကြာခဏ လာရောက်လေ့လာလျက်ရှိပါတယ်။ ဒါကြောင့် ခရိုင်စီမံအုပ်ချုပ်ရေးအဖွဲ့ဥက္ကဋ္ဌ၏ ကြီးကြပ်မှုဖြင့် မေလဒုတိယပတ်မှစပြီး ငလျင်ကြောင့် ပျက်စီး သွားတဲ့နေရာတွေကို ပြန်လည်ပြုပြင်သွားမှာဖြစ်ကြောင်း မင်းဘူးမြို့ နဂါးပွက်တောင် သာယာလှပရေးအဖွဲ့မှ သိရပါတယ်။ (NVS-004)