ဧပြီလ ၄ ရက်မှစ၍ မန္တလေးမြို့တော် စည်ပင်သာယာရေးကော်မတီရုံးဝန်းအတွင်း၌ Japan Disaster Relief Team (JDR) ဂျပန်နိုင်ငံဆေးပညာရှင်အဖွဲ့က ယာယီဆေးရုံတည်ဆောက်ပြီး ကုသမှုများ ဆောင်ရွက်ပေးနေခဲ့ပါတယ်။ မြန်မာနိုင်ငံဆိုင်ရာ ဂျပန်သံရုံးအကြီးအကဲ Mr. Shogo Yoshitake က မတ်လ ၂၈ ရက်က လှုပ်ခတ် ခဲ့တဲ့ မြေငလျင်ကြောင့် အသက်အိုးအိမ်စည်းစိမ် ထိခိုက်ပျက်စီး ဆုံးရှုံးခဲ့ရသူများအတွက် များစွာဝမ်းနည်းကြေကွဲ ရကြောင်း ပြောကြားခဲ့ပြီး သဘာဝဘေးအန္တရာယ်ဆိုင်ရာ အရေးပေါ်ကယ်ဆယ်ရေး ဆေးဘက်ဆိုင်ရာ နည်းပညာ အဖွဲ့ (JDR) က မန္တလေးမြို့တွင်းမှာ ဆေးကုသရေးဆိုင်ရာ လုပ်ဆောင်မှုတွေကို ဧပြီလ ၄ ရက်မှစ၍ လုပ်ဆောင် နေပြီ ဖြစ်ကြောင်း အသိပေးပြောကြားခဲ့ပါတယ်။ လက်ရှိတွင် မန္တလေးမြို့ချမ်းအေးသာစံမြို့နယ်ရှိ မန္တလေးမြို့တော်စည်ပင်သာယာရေးကော်မတီရုံးဝန်း အတွင်း၌ ဧပြီလ ၄ ရက် မွန်းလွဲ ၁နာရီမှ စတင်၍ ငလျင်ဒဏ်ကြောင့် ထိခိုက်ဒဏ်ရာရရှိခဲ့သည့် ပြည်သူလူထုများကို Japan Disaster Relief Team (JDR) ဂျပန်နိုင်ငံဆေးပညာရှင်အဖွဲ့မှဆေးရုံတည်ဆောက်ပြီး X-Ray ရိုက်ခြင်း၊ Ultrasound ရိုက်ခြင်း၊ ပြင်ပထိခိုက်ဒဏ်ရာများ၊ အရိုးကျိုးခြင်းနှင့် အထွေထွေရောဂါများအတွက် ဆေးအဖွဲ့ဝင် ၃၁ ဦး နဲ့ အခမဲ့စမ်းသပ် ကုသပေးလျက်ရှိကြောင်း သိရပါတယ်။ (NVS 004)