မတ်လ ၂၈ ရက်တွင် လှုပ်ခတ်ခဲ့တဲ့ အင်အားပြင်းငလျင်ကြောင့် နေပြည်တော်ရှိ မီးသတ်ဦးစီးဌာန (နေပြည်တော်)ရုံးချုပ်နှင့် နေပြည်တော်မီးသတ်ဦးစီးမှူးရုံး အဆောက်အအုံပေါ်ရှိ ၅ ထပ် မီးသတ်မျှော်စင် ပြိုကျ ပျက်စီးခဲ့ပါတယ်။ ထိုသို့ ပြိုကျမှုကြောင့် မီးသတ်တပ်ဖွဲ့ဝင် ၈ ဦး ထိခိုက်ဒဏ်ရာရရှိခဲ့ပြီး ကလေးငယ် တစ်ဦး သေဆုံးခဲ့ကြောင်း မြန်မာနိုင်ငံမီးသတ်တပ်ဖွဲ့၏ ထုတ်ပြန်ထားချက်အရ သိရပါတယ်။ ထိုသို့ ပြိုကျပျက်စီးခဲ့သော ၅ ထပ် မီးသတ်မျှော်စင်နှင့် မီးသတ်ရုံးကြီးအား ဧပြီလ ၅ ရက်တွင် အန္တရာယ်ရှိ အဆောက်အဦအပေါ်ပိုင်း အစိတ်အပိုင်းများအား ဖြိုချဖျက်စီး ရှင်းလင်းဖယ်ရှားနိုင်ရေးအတွက် ဘင်္ဂလားဒေ့ရှ်နိုင်ငံ ရှာဖွေကယ်ဆယ်ရေးတပ်ဖွဲ့မှ Structure Engineer များနှင့် မြန်မာနိုင်ငံမီးသတ်တပ်ဖွဲမှ အင်ဂျင်နီယာမီးသတ် တပ်ဖွဲ့ဝင်များ ပူးပေါင်းကာ Structure Assessment စစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရပါတယ်။ (NVS 004)