အင်တာမိုင်ယာမီအသင်းနဲ့ အာဂျင်တီးနား ကစားသမား လီယွန်နယ် မက်ဆီ ရဲ့ သက်တော်စောင့် ယာဆင်း ချူအေကို က လူသိများတဲ့ နာမည်ကျော် Youtuber နဲ့ WWE ကြယ်ပွင့် လိုဂန်ပေါလ် ကို လက်ဝှေ့ထိုးဖို့ စိန်ခေါ်လိုက်ပြီး ဒီစိန်ခေါ်မှုကိုလည်း လက်ခံသွားဖို့ပါ တောင်းဆိုလိုက်ကြောင်း သိရပါတယ်။ မက်ဆီ၏ Mas Plus အချိုရည် အမှတ်တံဆိပ်သည် ပေါလ်ရဲ့ ကိုယ်ပိုင်ကုမ္ပဏီ ဒီဟိုက်ဒရေးရှင်း အချိုရည်နှစ်ခု၏ အမှတ်တံဆိပ်ဒီဇိုင်း ထူးခြားစွာဆင်တူနေတာကြောင့် အွန်လိုင်းမှ လက်ဝှေ့ပွဲ တစ်ခုဖြစ်နိုင်တယ်လို့ နောင်ပြောင် ပြောဆိုခဲ့ပါတယ်။ ဒါကြောင့် မက်ဆီ က ဘာမှကူးယူမှုမရှိဘူးဆိုတာကို အတည်ပြုတဲ့ တရားရုံး ဆုံးဖြတ်ချက်ရဖို့ တရားစွဲခဲ့ပြီး ပေါလ် ကလည်း Mas Plus က Prime ရဲ့ ကုန်သွယ်အမှတ်တံဆိပ်ကို ချိုးဖောက်တယ်လို့ စွပ်စွဲခဲ့ ပြန်လှန်တရားစွဲခဲ့ကြ ပါတယ်။ ထိုကဲ့သို့ အငြင်းပွားမှုကို မက်ဆီ၏သက်တော်စောင့်ဖြစ်သူ ချုအေကို က မက်ဆီ အစားသူကိုယ်တိုင် လက်ဝှေ့ပွဲကို ဝင်ရောက်ယှဉ်ပြိုင်ရန် အသင့်ဖြစ်ကြောင်း ပေါလ် ကို ပြောဆိုခဲ့ပါတယ်။ ပေါလ်အနေနဲ့ သူ့ရဲ့စိန်ခေါ်မှုကို လက်ခံဖို့ တုံ့ပြန်မှုမရှိသေးပေမယ့် လက်ခံဖို့တောင်းဆိုတဲ့ ဗီဒီယိုဖိုင်နဲ့ ထပ်မံဖိအားပေးခဲ့ပါတယ်။ အသက် ၂၉ နှစ်ရှိတဲ့ ပေါလ် ဟာ အားကစားအိုင်ကွန်ဖလွိုက် မေဝေသာ နဲ့ပါ လက်ဝှေ့တကယ်တွေ့ဆုံ ထိုးသတ်ခဲ့ဖူးပြီး ယခုအဆိုပြုချက် ကို မတုံ့ပြန်ပေမယ့် သူ့ရဲ့တိုက်ခိုက်ရေးနောက်ခံကြောင့် နောက်ဆုတ်ရန် မဖြစ်နိုင်ကြောင်း သုံးသပ်ပြောဆိုခဲ့ကြ ပါတယ်။ (NVS 008)