“နာဆာနှင့်ဘိုးရင်းကုမ္ပဏီက စတားလိုင်နာအာကာသလူသယ်ယာဉ်ကို ၂၀၂၆ ခုနှစ် နှစ်စပိုင်းမှသာ လွှတ်တင် နိုင်ဖွယ်ရှိ”
02 Apr
အမေရိကန်အစိုးရ အမျိုးသားလေကြောင်းနှင့် အာကာသစီမံခန့်ခွဲရေးအေဂျင်စီ (နာဆာ)နှင့် ဘိုးရင်း ကုမ္ပဏီသည် စတားလိုင်နာ အာကာသလူသယ်ယာဉ် ကို ၂၀၂၆ ခုနှစ် နှစ်စပိုင်းမှ သာ လွှတ်တင်နိုင်ဖွယ်ရှိကြောင်း မတ်လ ၃၁ ရက် သတင်းများအရ သိရသည်။ လက်ရှိအချိန်တွင် ဘိုးရင်းကုမ္ပဏီမှ ကျွမ်းကျင်သူများသည် စတားလိုင်နာ အာကာသလူသယ်ယာဉ်၏ ဒုံးကန်အားစနစ်ပြဿနာများနှင့် ဟီလီယမ်ဓာတ်ငွေ့ ယိုစိမ့်မှု ပြဿနာ များကို ဖြေရှင်းရန် ကြိုးပမ်းနေဆဲဖြစ်ကြောင်း သိရသည်။ စတားလိုင်နာ အာကာသလူသယ်ယာဉ်၏ အထက်ပါပြဿနာများကို ယခုနှစ်ကုန်ထိ အချိန်ယူ၍ ဖြေရှင်း ရဖွယ်ရှိကြောင်း ဘိုးရင်း ကုမ္ပဏီနှင့်နာဆာတာဝန်ရှိသူများ က ပြောကြားသည်။ သို့ဖြစ်ရာ မိမိတို့အနေဖြင့် စတား လိုင်နာ အာကာသလူသယ်ယာဉ် စမ်းသပ်လွှတ်တင်မှုကို ၂၀၂၆ ခုနှစ် နှစ်စပိုင်းမှသာ ပြုလုပ်နိုင်ဖွယ်ရှိကြောင်း သိရသည်။ နာဆာနှင့် ဘိုးရင်းကုမ္ပဏီ သည် ၂၀၂၄ ခုနှစ် ဇွန်လတွင် အာကာသယာဉ်မှူးနှစ်ဦး လိုက်ပါသွားသည့် စတားလိုင်နာအာကာသ လူသယ်ယာဉ်ကို ရှစ်ရက်ကြာမစ်ရှင်အဖြစ် နိုင်ငံတကာအာကာသစခန်းသို့ လွှတ်တင်ခဲ့ ကြောင်း သိရသည်။ သို့ရာတွင် စတားလိုင်နာ အာကာသလူသယ်ယာဉ်၏ ဒုံးကန်အားစနစ် ပြဿနာများနှင့် ဟီလီယမ်ဓာတ်ငွေ့ယိုစိမ့်မှုပြဿနာများကြောင့် စတားလိုင်နာအာကာသယာဉ်မှူးနှစ်ဦးမှာ နိုင်ငံတကာ အာကာသ စခန်းပေါ်၌ ကိုးလကျော်ကြာ သောင်တင်ခဲ့ရကြောင်း Sputnik သတင်းဌာနဖော်ပြချက်အရ သိရသည်။
