အမေရိကန်နှင့်ဂျပန်နိုင်ငံသည် AIM-120 အဆင့်မြင့် တာလတ်ပစ် ဝေဟင်မှဝေဟင်ပစ် (AMRAAM) ဒုံးကျည်များကို ပူးပေါင်းထုတ်လုပ်ရန် အစီအစဉ်ကို မြန်ဆန်စွာစတင်ရန် သဘောတူညီခဲ့ကြကြောင်း ဂျပန်နိုင်ငံ သတင်းဌာန Kyodo News မှ ထုတ်ပြန်သည့် သတင်းအချက်အလက်များကို ကိုးကား၍ သိရသည်။ ထို ကြေညာချက်ကို အမေရိကန်ကာကွယ်ရေးဝန်ကြီး Pete Hegseth နှင့် ဂျပန်ကာကွယ်ရေးဝန်ကြီး Nakatani တို့ ဂျပန်နိုင်ငံ တိုကျိုမြို့တွင် ကျင်းပသောအစည်းအဝေးအတွင်း ထုတ်ပြန်ခဲ့ခြင်း ဖြစ်သည်။ ဒေသတွင်း လုံခြုံရေး စိန်ခေါ်မှုများကိုကြီးထွားလာမှုများအပေါ်တုံ့ပြန်သည့်အနေဖြင့်နှစ်နိုင်ငံကာလကြာရှည်စွာတည်ရှိနေသည့် စစ်ရေး မဟာမိတ်ကို ကာကွယ်ရေးစက်မှုကဏ္ဍ ပူးပေါင်းဆောင်ရွက်မှုဖြင့် ပိုမိုခိုင်မာစေရန် ရည်ရွယ်ခြင်း ဖြစ်ကြောင်း သိရ သည်။ အဆိုပါ AIM-120 AMRAAM (အဆင့်မြင့် တာလတ်ပစ်ဝေဟင်မှဝေဟင်ပစ်ဒုံးကျည်)သည် အမေရိကန် ကာကွယ်ရေး ကန်ထရိုက်တာ Raytheon ကုမ္ပဏီထုတ် ဒုံးကျည်များထဲတွင် စွမ်းရည်အရှိဆုံး မြင်ကွင်းလွန် (BVR) တိုက်ပွဲဝင်နိုင်သည့် ဝေဟင်မှဝေဟင်ပစ်ဒုံးကျည်များထဲတွင် ပါဝင်ပြီး ထိုဒုံးကျည်သည် F-15၊ F-16 F/A-18 နှင့် Eurofighter Typhoon အပါအဝင်တိုက်လေယာဉ်အမျိုးအစားနှင့်တွဲဖက်အသုံးပြုနိုင်မည် ဖြစ်ကြောင်း Army Recognition သတင်းဌာန ဖော်ပြချက်များအရ သိရသည်။