“ယူကရိန်းနိုင်ငံ အရှေ့မြောက်ပိုင်း ခါကစ်ဗ်မြို့ကို ရုရှားတပ်များ ဆက်လက်တိုက်ခိုက်”
01 Apr
ရုရှားတပ်များသည် ယူကရိန်း နိုင်ငံအရှေ့မြောက်ပိုင်း ခါကစ်ဗ်မြို့ကို မတ်လ ၃၀ ရက်တွင် ဒုတိယမြောက် ည အဖြစ် ဆက်လက်တိုက်ခိုက်ခဲ့ကြောင်း သိရသည်။ ရုရှားတပ်များ၏တိုက်ခိုက်မှုကြောင့် ခါကစ်ဗ်မြို့၌ စက်မှု လုပ်ငန်းအဆောက်အအုံများ ပျက်စီးခဲ့ရကြောင်း ယူကရိန်းတာဝန်ရှိသူများက ပြောကြားသည်။ ရုရှား၏ လေကြောင်းတိုက်ခိုက်မှုသည် ညလုံးပေါက်နီးပါးကြာမြင့်ခဲ့ပြီး အနည်းဆုံးလူသုံးဦး ဒဏ်ရာများရရှိခဲ့ကြောင်း သိရ သည်။ ခါကစ်ဗ်မြို့သည် ယူကရိန်းနိုင်ငံ၏ ဒုတိယအကြီးမားဆုံးမြို့ဖြစ်ပြီး ရုရှားတပ်များ၏ ထိုးစစ်ဆင် တိုက်ခိုက်မှု များနှင့် မကြာခဏရင်ဆိုင်နေရသည့်မြို့ ဖြစ်သည်။ ခါကစ်ဗ်မြို့ကို တိုက်ခိုက်စဉ် ရုရှားတပ်များ က မောင်းသူမဲ့လေယာဉ် ၁၃၁ စင်းနှင့် အစ်ကန်ဒါး-အမ် ဒုံးကျည်နှစ်စင်း အသုံးပြုခဲ့ကြောင်း သိရသည်။ ရုရှားနိုင်ငံက စေလွှတ်ခဲ့သော မောင်းသူမဲ့လေယာဉ် ၁၃၁ စင်း အနက် ၅၇ စင်းကို ပစ်ချနိုင်ခဲ့ကြောင်း ယူကရိန်းစစ်ဘက်က သတင်းထုတ်ပြန်ထားကြောင်း ဆင်ဟွာသတင်းဌာန ဖော်ပြချက်အရ သိရသည်။
