အင်အားပြင်းလှုပ်ခတ်ခဲ့တဲ့ ငလျင်ဒဏ်သင့်ဒေသများသို့ လှူဒါန်းမှုများအတွက် ငွေလွှဲခကင်းလွတ်ခွင့်ပြုမည် ဖြစ်ကြောင်း ဗဟိုဘဏ်ကထုတ်ပြန်ထားပါတယ်။ မြန်မာ့စီးပွားရေးဘဏ်၊ နေပြည်တော်မှာ ဖွင့်လှစ်ထားတဲ့ အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှု ရန်ပုံငွေ (OA-011834) စာရင်း၊ ရန်ကုန်မြို့၊ မြန်မာ့နိုင်ငံခြား ကုန်သွယ်မှုဘဏ်တွင် ဖွင့်လှစ်ထားသည့် နိုင်ငံခြားငွေ စာရင်းအမှတ်၊ (0111284000000063) နှင့် မြန်မာ့စီးပွားရေးဘဏ်၊ နေပြည်တော်ရှိ နိုင်ငံခြားငွေစာရင်းအမှတ် (EDN-600018) သို့ ငွေလွှဲခကင်းလွတ်ခွင့်နဲ့ ငလျင်ဒဏ်သင့်ဒေသများကို လှူဒါန်းငွေများ လှူဒါန်းနိုင်ကြောင်း အသိပေးထားပါတယ်။ အလားတူဖော်ပြပါဘဏ်စာရင်းများသို့ အများပြည်သူမှ မြန်မာကျပ်ငွေနဲ့ လှူဒါန်းလိုပါက ဘဏ်ကောင်တာမှ တစ်ဆင့် ငွေသားဖြင့်တိုက်ရိုက်ဖြစ်စေ၊ အခြားဘဏ်များမှတစ်ဆင့်စာရင်း ပြောင်းနည်း Account Transfer ဖြင့်ဖြစ်စေ၊ Mobile Application တစ်ဆင့် Mobile Payment ဖြင့် ဖြစ်စေ ၊ MPU အပါအဝင်အခြား Electronic Card များဖြင့်ဖြစ်စေ Account ထည့်ဝင် လှူဒါန်းနိုင်ကြောင်း သိရပါတယ်။ ဒါ့အပြင် နိုင်ငံခြားငွေဖြင့် လှူဒါန်းလိုပါက AD လိုင်စင်ရဘဏ်များမှ တစ်ဆင့် မည်သည့်နိုင်ငံခြားငွေ အမျိုးအစားကိုမဆို လှူဒါန်းနိုင်ပြီး အများပြည်သူတို့ရဲ့ အလှူငွေများကို ဘဏ်များ၊ AD လိုင်စင်ရဘဏ်များ၊ မိုဘိုင်း ငွေရေးကြေးရေး ဝန်ဆောင်မှုပေးသည့်အဖွဲ့အစည်းများအနေနဲ့ ငွေလွှဲခကောက်ခံခြင်းမပြုဘဲ ကူညီဆောင်ရွက် ပေးသွားမည်ဖြစ်ပါတယ်။ (NVS 004)