မြန်မာနိုင်ငံကုန်သည်စက်မှုအသင်းချုပ်က ငလျင်ဒဏ်သင့်ဒေသများမှာ ပြန်လည်ထူထောင်ရေးလုပ်ငန်းများကို ထိရောက်စွာ ကူညီပံ့ပိုးပါဝင်ဆောင်ရွက်နိုင်ရန် UMFCCI Earthquake Relief and Rehabilitation Task Force ကို ဖွဲ့စည်းခဲ့ကြောင်း သိရပါတယ်။ ကုန်သည်စက်မှုအသင်းချုပ် ညီနောင်နှင့်မိတ်ဖက်အသင်းများရဲ့ ပူးပေါင်းပါဝင်မှုနဲ့ ကူညီကယ်ဆယ်ရေးများ ပြုလုပ်လျက်ရှိရာမှ ပြန်လည်ထူထောင်ရေးလုပ်ငန်းများကို ထိရောက်စွာကူညီပံ့ပိုးပါဝင်ဆောင်ရွက်နိုင်ရန်အတွက် ဖွဲ့စည်းခဲ့ခြင်းဖြစ်ပြီး ထိခိုက်ပျက်စီးဆုံးရှုံးမှု များပြားခဲ့ရတဲ့ဒေသများမှာ ဒေသအခြေစိုက်အဖွဲ့အစည်းများသို့ ဆက်သွယ်ကာ လိုအပ်တဲ့ အကူအညီပေးခြင်းကို တတ်စွမ်းသရွေ့ ဆောင်ရွက်နေပြီဖြစ်ကြောင်း အသိပေးထား ပါတယ်။ ကုန်သည်စက်မှုအသင်းချုပ်အနေဖြင့် မတ်လ ၂၉ ရက်မှစ၍ ကျပ် သိန်း ၂ဝ,ဝဝဝ မတည်ကာ ငလျင်ဒဏ်သင့် ဒေသများသို့ ကူညီကယ်ဆယ်ရေးလုပ်ငန်းများ စတင်ဆောင်ရွက်ခဲ့ကြောင်းလည်း သိရပါတယ်။ ဒါ့အပြင်ပူးပေါင်းပါဝင်ဆောင်ရွက်လိုသော ပြည်တွင်း/ပြည်ပ အဖွဲ့အစည်းများနှင့် လူပုဂ္ဂိုလ်တစ်ဦးချင်းအနေနဲ့ ကုန်သည်စက်မှုအသင်းချုပ်သို့ တိုက်ရိုက်ဆက်သွယ်နိုင်ကြောင်းနှင့် စီးပွားရေးလုပ်ငန်းရှင်များနှင့် စေတနာရှင်များ၏ ပူးပေါင်းပါဝင်မှုကို ကြိုဆိုကြောင်း ထုတ်ပြန်ထားပါတယ်။ ပါဝင်လိုသူများအနေနဲ့ ကုန်သည်စက်မှုအသင်းချုပ်သို့ တိုက်ရိုက်ဆက်သွယ်နိုင်တဲ့ ဖုန်းနံပတ်များမှာ ပြည်သူ့ ဆက်ဆံရေးဌာန (PR) ၀၉၄၅၀၂၀၀၆၄၀၊ အသင်းသားရေးရာဌာန (MA) ၀၉၇၇၆၉၉၉၉၂၀/ ၀၉၇၇၆၉၉၉၉၄၀ ကို ဆက်သွယ်နိုင်ကြောင်း သိရပါတယ်။ (NVS 004)