မြန်မာ့ငလျင်ဘေးအတွက် ကိုရီးယားနိုင်ငံရှိ Korea-Myanmar Friendship Interchange Association မှ ဥက္ကဋ္ဌ ဆရာတော် Venerable Mok Tak က အလှူငွေ စုစုပေါင်း ဝမ် ၅ သန်းကို မတ်လ ၃၁ ရက်မှာ ဆိုးလ်မြို့ရှိ မြန်မာသံရုံးသို့ လာရောက်လှူဒါန်းခဲ့ရာ ကိုရီးယားနိုင်ငံဆိုင်ရာ မြန်မာသံအမတ်ကြီး ဦးသန့်စင်မှ လက်ခံရယူပြီး ဂုဏ်ပြုမှတ်တမ်းလွှာ ပြန်လည်ပေးအပ်ခဲ့တယ်လို့ သိရပါတယ်။ ပြီးခဲ့တဲ့ မတ်လ ၂၈ ရက်က အင်အားရစ်ချက်တာစကေး ၇ ဒသမ ၇ ရှိ အလွန်ပြင်းထန်သော ငလျင်လှုပ်ခတ် ခဲ့တဲ့အတွက် ပျက်ဆီးဆုံးရှုံးမှုများ ဖြစ်ပေါ်ခဲ့တဲ့ မြန်မာနိုင်ငံရှိ ဒေသအနှံ့အပြားမှ ပြည်သူများကို လိုအပ်တဲ့ ကူညီ ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန် ရည်ရွယ်ကာ လာရောက်လှူဒါန်းခဲ့ခြင်း ဖြစ်ပါတယ်။ မြန်မာသံရုံးအနေနဲ့ အဆိုပါလှူဒါန်းငွေများကို နိုင်ငံခြားရေးဝန်ကြီးဌာနမှတစ်ဆင့် ငလျင်ဘေးသင့် ပြည်သူ များထံသို့ ဆက်လက်ပေးပို့လှူဒါန်းသွားမည်ဖြစ်ကြောင်း ကိုရီးယားနိုင်ငံဆိုင်ရာ မြန်မာသံရုံးက အသိပေးထား ပါတယ်။ (NVS 004)