မတ်လ ၃၁ ရက်မှာ အိန္ဒိယနိုင်ငံသံအမတ်ကြီးမှ မြန်မာငလျင်အတွက် လူသားချင်းစာနာထောက်ထားမှု ဆိုင်ရာအကူအညီ တန် ၅၀ ကို ရန်ကုန်တိုင်းဒေသကြီး ဝန်ကြီးချုပ်ဦးစိုးသိန်းထံသို့ သီလဝါဆိပ်ကမ်းမှာ လွှဲပြောင်းပေးအပ်ခဲ့ပါတယ်။ Indian Navy သင်္ဘော INS Satpura တွင် တန် ၃၀ နှင့် INS Savitri တွင် တန် ၂၀ တို့နဲ့ သယ်ဆောင်လာသော ရေယာဉ်က ညနေပိုင်းမှာ သီလဝါဆိပ်ကမ်းသို့ဆိုက်ကပ်ရာ ထောက်ပံ့တဲ့ပစ္စည်းများကို အိန္ဒိယရေတပ်နှင့် မြန်မာ ရေတပ်တို့ ပူးပေါင်းကာ ဆိပ်ကမ်းသို့ ပို့ဆောင်ကူညီခဲ့ပါတယ်။ အိန္ဒိယနိုင်ငံက မြန်မာနိုင်ငံမှာ လတ်တလော ကြုံတွေ့ ခံစားခဲ့ရသော ငလျင်ဘေးဒဏ်ကြောင့် လူသားချင်းစာနာထောက်ထားမှုအကူအညီများစွာကို ၂၄ နာရီအတွင်း ထောက်ပံ့ကူညီခဲ့တဲ့ အိမ်နီးချင်းနိုင်ငံကောင်းဖြစ်ပါတယ်။ (NVS 004)