အသက် ၃၂ နှစ်အရွယ် ရှိပြီဖြစ်တဲ့ လီဗာပူးလ်တိုက်စစ်ကစားသမား ဆာလတ်ဟာ အသင်းနှင့် စာချုပ်သစ်ချုပ် ဆိုရန် နီးစပ်နေပြီဖြစ်ကြောင်း အီဂျစ်မီဒီယာတွေက ဖော်ပြခဲ့ပါတယ်။ ဆာလတ်ဟာ ယခုရာသီကုန်တွင် လီဗာပူးလ် အသင်းနှင့် စာချုပ်သက်တမ်း ကုန်ဆုံးမှာ ဖြစ်ပြီး စာချုပ်သစ်ချုပ်ဆိုရန် အဆင်မပြေဖြစ်နေကြောင်း သတင်းတွေ ထွက်ပေါ်နေခဲ့ပါတယ်။ ဒါပေမယ့် နာမည်ကျော် အီဂျစ်မီဒီယာ Masrawy က ဆာလတ်ဟာ လီဗာပူးလ်အသင်း၏ ကမ်းလှမ်းမှုမှာ တိုးတက်မှုရှိလာပြီး စာချုပ်သစ်ချုပ်ဆိုရန် နီးစပ်နေပြီဖြစ်ကြောင်း ဖော်ပြခဲ့ပါတယ်။ လီဗာပူးလ်အသင်းတာဝန်ရှိသူများကလည်း ဆာလတ်နဲ့ စာချုပ်သစ်ချုပ်ဆိုရန်အတွက် အေးဂျင့်ဖြစ်သူ ရာမီအဘတ်စ်နှင့် ဆွေးနွေးနေကြောင်း၊ လက်ရှိ လီဗာပူးလ်အသင်း၏ကမ်းလှမ်းမှုမှာ ယခင်ထက်များစွာ မြင့်တက် နေကြောင်း၊ လီဗာပူးလ်တာဝန်ရှိသူများနှင့် အဘတ်စ်တို့၏ ဆွေးနွေးမှုမှာ တိုးတက်မှုများ ရှိနေကြောင်း Masrawy က ဖော်ပြခဲ့ပါတယ်။ ဆာလတ်ဟာ ယခုရာသီတွင် လီဗာပူးလ်အသင်းအတွက် ခြေစွမ်းပြနေပြီး ပရီးမီးယားလိဂ် ၂၉ ပွဲမှာ ၂၇ ဂိုးသွင်းကာ ဂိုးဖန်တီးမှု ၁၇ ကြိမ် ပြုလုပ်ထားသလို ပြိုင်ပွဲစုံ ၄၃ ပွဲမှာ ၃၂ ဂိုးသွင်းကာ ဂိုးဖန်တီးမှု ၂၂ ကြိမ် ပြုလုပ် ထားကြောင်းသိရပါတယ်။ (NVS 008)