ချယ်လ်ဆီးအသင်းအားပေးသူများပရိသတ်အဖွဲ့တဲ့ "Chelsea Supporters' Trust-CST" က တရားမဝင် လက်မှတ်ရောင်းချသည့် ဝက်ဘ်ဆိုက်အဖြစ် သတ်မှတ်ထားသော အမေရိကန်အခြေစိုက် Vivid Seats လက်မှတ် ကုမ္ပဏီတွင် ပူးတွဲအသင်းပိုင်ရှင်ဖြစ်သူ တော့ဒ်ဘိုလေပါဝင်နေမှုကို စုံစမ်းစစ်ဆေးပေးရန် ပရီးမီးယားလိဂ် အဖွဲ့ချုပ်ထံ တောင်းဆိုထားကြောင်း သိရပါတယ်။ တော့ဒ်ဘိုလေ ဦးဆောင်တဲ့ BlueCo လုပ်ငန်းစုက ချဲလ်ဆီးအသင်းကို ၂၀၂၂ ခုနှစ် မေလတွင် ပေါင် ၄ ဒသမ ၂၅ ဘီလီယံနဲ့ ဝယ်ယူခဲ့ခြင်းဖြစ်ပြီး တော့ဒ်ဘိုလီက ရှယ်ယာ ၁၃ ရာခိုင်နှုန်း ပိုင်ဆိုင် ထားပါတယ်။ ဒါ့အပြင် တော့ဒ်ဘိုလေဟာ ပရီးမီးယားလိဂ် က တရားမဝင်လက်မှတ်ရောင်းချသည့် ဝက်ဘ်ဆိုက်အဖြစ် သတ်မှတ်ထားသော အမေရိကန်အခြေစိုက် Vivid Seats လက်မှတ်ကုမ္ပဏီတွင် ဒါရိုက်တာနှင့် ရင်းနှီးမြှုပ်နှံသူ တစ်ဦး အဖြစ် ပါဝင်နေသူ ဖြစ်ပါတယ်။ ဒါ့ကြောင့် တော့ဒ်ဘိုလေအား ယုံကြည်မှုချိုးဖောက်ခြင်း၊ အကျိုးစီးပွားပဋိပက္ခ ဖြစ်စေ မှုနဲ့ စစ်ဆေးပေးရန် ပရီးမီးယားလိဂ်အမှုဆောင်ချုပ် ရစ်ချက်မာစတာစ်ထံ အိတ်ဖွင့်ပေးစာပေးပို့ခဲ့ခြင်းဖြစ်တဲ့အပြင် CST ဟာ အဆိုပါ ကုမ္ပဏီ၏အထောက်အထားများကို ဗြိတိန်အစိုးရ၏ယဉ်ကျေးမှု၊ မီဒီယာနှင့် အားကစားဌာန သို့ တင်ပြထားကြောင်းလည်း သိရပါတယ်။ ချဲလ်ဆီးအသင်းအားပေးသူများအဖွဲ့ကမူ ကိုယ်ကျိုးစီးပွားနှင့် နှီးနွယ်နေတဲ့ အခြေအနေဖြစ်နေခြင်းမှာ လုံးဝသင့်လျော်ခြင်းမရှိသလို၊ ပါဝင်ဆက်နွယ်မှု တစ်စုံတစ်ရာရှိကြောင်း တွေ့ရှိရပါက အရေးယူပေးရန် တောင်းဆိုထားကြောင်း သိရပါတယ်။(NVS 008)