မတ်လ ၂၈ ရက် မွန်းလွဲပိုင်းက ဖြစ်ပွားခဲ့တဲ့ ငလျင်ဖြစ်စဉ်အတွက် သက်သာခြင်းမရှိသော အခြေအနေမှာ ရှိကြ သူများနှင့် အတူရပ်တည်လျက်ရှိတယ်လို့ မန်ယူအသင်းက အသိပေးထားပါတယ်။ ဒါ့အပြင် ဘရန်ဖို့ဒ်နှင့် ပြင်သစ်ထိပ်သီး PSG ကလပ်၊ ရီးရဲလ်မက်ဒရစ် စတဲ့ နာမည်ကြီးအသင်းများကလည်း မြန်မာနိုင်ငံမှာ ဖြစ်ပွားခဲ့တဲ့အင်အားပြင်းငလျင်ဘေးဒဏ်ခံရသူ နိုင်ငံသားများအတွက် ပွဲမစတင်မီ ခေတ္တငြိမ်သက်၍ ဆုတောင်းပေးကြပါတယ်။ အားကစားလောကမှ နာမည်ကျော်ကစားသမားအချို့နှင့်အသင်းများက မြန်မာနိုင်ငံကို ဗဟိုပြုလှုပ်ခတ်ခဲ့တဲ့ ငလျင်ဒဏ်ကြောင့် ပျက်စီးဆုံးရှုံးမှုကို ခံစားခဲ့ရသူများနှင့်ထပ်တူဝမ်းနည်းပါကြောင်း လူမှု ကွန်ယက် စာမျက်နှာများမှ တစ်ဆင့်ရေးသားခဲ့ ကြပါတယ်။ (NVS 008)