ပြည်ပနိုင်ငံများအတွက် အလုပ်ခေါ်စာသစ်တင်ပြခွင့်များကို မေလ ၂ ရက်မှ စတင်ခွင့်ပြုမည်ဖြစ်ကြောင်း အလုပ်သမားဝန်ကြီးဌာနမှ သိရပါတယ်။ ပြည်ပနိုင်ငံများသို့ အလုပ်သွားရောက်လုပ်ကိုင်မည့် လူငယ်များအတွက် OWIC ကတ်ကိုင်ဆောင်ပြီး ပြည်ပသို့ ထွက်ခွာမည့်သူများအတွက် မတ်လ ၁၇ ရက်မှ စတင်ပြီး အီးမေးလ်ဖြင့် ပြည်ပ ထွက်ခွာခွင့် တင်ပြရန် ခွင့်ပြုခဲ့ပါတယ်။ ဆက်လက်ပြီး သင်တန်းတက်ခွင့် OWIC ကတ် ပြုလုပ်မည့်သူများကိုတော့ လာမယ့် မေလ ၂ ရက်မှစတင်ပြီး လျှောက်ထားခွင့်ပြုမယ်လို့ အလုပ်သမားဝန်ကြီးဌာနက အသိပေးထုတ်ပြန်ထား ပါတယ်။ ပြည်ပနိုင်ငံများသို့ မြန်မာလုပ်သားစေလွှတ်ခြင်းနှင့်ပတ်သက်ပြီး နိုင်ငံတစ်နိုင်ငံချင်းစီအလိုက် မတ်လ ၂၂ ရက် မှာ ထိုင်းနိုင်ငံ၊ မတ်လ ၂၃ ရက်မှာ ဂျပန်နိုင်ငံ၊ မတ်လ ၂၄ ရက်မှာ တောင်ကိုရီးယားနိုင်ငံနှင့် မတ်လ ၂၅ ရက်မှာ စင်ကာပူနိုင်ငံတို့၏အချက်အလက်များကို ထုတ်ပြန်ခဲ့ခြင်းဖြစ်ပါတယ်။ နိုင်ငံအလိုက် လုပ်သားစေလွှတ်ခြင်းများ အနေနဲ့လည်း ထိုင်းနိုင်ငံသို့အလုပ်ခေါ်စာ (Demand letter) တင်ပြခွင့်အတွက် အေဂျင်စီတစ်ခုလျှင် တစ်လ အလုပ် သမား ဦးရေ ၅၀၊ ဂျပန်နိုင်ငံသို့အလုပ်ခေါ်စာ (Demand letter) တင်ပြခွင့်အတွက် အေဂျင်စီတစ်ခုလျှင် တစ်လ အလုပ်သမား ၁၅ ဦး၊ တောင်ကိုရီးယားနိုင်ငံသို့ အလုပ်ခေါ်စာ (Demand letter) တင်ပြခွင့်အတွက် အေဂျင်စီ တစ်ခု လျှင် တစ်လ အလုပ်သမား ၁၀ ဦးနှင့် စင်ကာပူနိုင်ငံသို့ အလုပ်ခေါ်စာ (Demand letter) တင်ပြခွင့်အတွက် အေဂျင်စီ တစ်ခုလျှင် တစ်လ အလုပ်သမားငါးဦးနှုန်းဖြင့် တင်ပြနိုင်ရန် အသီးသီးသတ်မှတ်ထားကြောင်း ထုတ်ပြန်ချက်အရ သိရပါတယ်။(NVS 004)