အမေရိကန်နိုင်ငံမှာ ကျင်းပပြုလျက်ရှိတဲ့ Miami Open ပြိုင်ပွဲရဲ့ အမျိုသားတစ်ဦးချင်း ဆီးမီးဖိုင်နယ်ပွဲစဉ်မှာ ဆားဘီယား တင်းနစ်သမား ဂျိုကိုဗစ် က အာဂျင်တီးနားတင်းနစ်သမား ဒီမီထရို ကို အနိုင်ရရှိခဲ့ပြီး ဖိုင်နယ်အဆင့်ကို တက်ရောက်နိုင်ခဲ့ပါတယ်။ ဆီဒင်အဆင့် (၄) ရှိတဲ့ ဆားဘီယား တင်းနစ်သမား ဂျိုကိုဗစ် က ဆီဒင်အဆင့် (၁၄) ရှိတဲ့ အာဂျင်တီးနား တင်းနစ်သမား ဒီမီထရို ကို ၆-၂၊ ၆-၃ ဆိုတဲ့ရလဒ်နဲ့ အခက်အခဲမရှိ အနိုင်ရရှိခဲ့ပြီး ဖိုင်နယ်အဆင့်ကို တက်ရောက် နိုင်ခဲ့တယ်လို့ သိရပါတယ်။ မတ်လ ၂၉ ရက်မှာ ကစားခဲ့တဲ့ နောက်ထပ်ဆီးမီးဖိုင်နယ်ပွဲစဉ်ဟာ အကြိတ်အနယ်ရှိခဲ့ပြီး ချက်ဇ်နိုင်ငံသား မန်ဆစ် က ဆီဒင်အဆင့် (၃)ဖြစ်တဲ့ အမေရိကန်တင်းနစ်သမား တီဖစ်ဇ် ကို ၆-၇၊ ၄-၆၊ ၇-၆ ဆိုတဲ့ရလဒ် အနိုင်ရရှိ ခဲ့ပါတယ်။ ဒါကြောင့် 2025 Miami Open အမျိုးသားတင်းနစ်ပြိုင်ပွဲရဲ့ ဖိုင်နယ်ပွဲစဉ်မှာတော့ ဆားဘီယားတင်းနစ် သမား ဂျိုကိုဗစ် က ချက်ဇ်နိုင်ငံသား မန်ဆစ် နဲ့ ယှဉ်ပြိုင်ကစားရမှာ ဖြစ်ပါတယ်။ (NVS 008)