“ကော်ရီယာ ကို ရောင်းထုတ်ရန် စီစဉ်နေတဲ့ အက်သလက်တီကိုအသင်း”
29 Mar
အက်သလက်တီကိုအသင်းက အသင်းတိုက်စစ်ကစားသမား ကော်ရီယာ ကို လာမယ့်နွေရာသီမှာ ရောင်းထုတ်ရန် စီစဉ်နေကြောင်း သိရပါတယ်။ အသက် ၃၀ အရွယ်ရှိ အာဂျင်တီးနားတိုက်စစ်ကစားသမား ကော်ရီယာ ဟာ အက်သလက်တီကိုအသင်းနှင့် ၂၀၂၆ ဇွန်လ ၃၀ ရက်မှာ စာချုပ်သက်တမ်းကုန်ဆုံးမှာ ဖြစ်တယ်လို့ သိရပါတယ်။ ဒါ့အပြင် ကော်ရီယာ ဟာ ယခုရာသီမှာ အက်သလက်တီကိုအသင်းအတွက် ပြိုင်ပွဲစုံ ၃၉ ပွဲကစားပြီး ၇ ဂိုးသွင်းယူထားပေမယ့် ပွဲအများစုမှာ လူစားဝင် ကစားသမားအဖြစ်သာ ပါဝင်ကစားခွင့်ရခဲ့ခြင်း ဖြစ်ပါတယ်။ အက်သလက်တီကိုအသင်းက ကော်ရီယာ ကို စာချုပ်သက်တမ်းတိုးလိုခြင်းမရှိဘဲ ပြောင်းရွှေ့ကြေးရနိုင်တဲ့ လာမယ့်နွေရာသီမှာ ရောင်းထုတ်လိုနေခြင်းဖြစ်ပါတယ်။ ကော်ရီယာ ကို ခေါ်ယူရန် အေစီမီလန်၊ ဂါလာတာစာရေးနှင့် ဆော်ဒီကလပ်အသင်းများက စိတ်ဝင်စားနေကြပြီး အက်သလက်တီကိုအသင်းက ယူရို ၂၅ သန်းရရှိပါက ရောင်းချ ဖွယ်ရှိနေတယ်လို့ သိရပါတယ်။ (NVS 008)
