မတ်လ ၂၈ ရက်မွန်းတည့်ပိုင်းကလှုပ်ခတ်ခဲ့သည့် အလွန်ပြင်းထန်သောငလျင်ဒဏ်ကြောင့် ဓာတ်အားစနစ်အတွင်းသို့ ဓာတ်အားထုတ်လုပ်ပို့လွှတ်လျက်ရှိတဲ့ ဓာတ်အားပေးစက်ရုံ၊ ခွဲရုံနှင့် ဓာတ်အားလိုင်းများ၏ ဓာတ်လွှတ်ပစ္စည်းများ ချို့ယွင်း ပျက်စီးမှုဖြစ်ပေါ်ခဲ့သည်ဟု ရန်ကုန်လျှပ်စစ်ဓာတ်အားပေးရေးကော်ပိုရေးရှင်း (YESC) ကအသိပေးခဲ့ပါတယ်။ ဒါကြောင့် ဓာတ်အားစနစ်မှ ဓာတ်အားချိတ်ဆက်ပို့လွှတ်နိုင်ခြင်းမရှိစဉ်ကာလအတွင်း ရန်ကုန်တိုင်းဒေသကြီး အတွင်းရှိ Gas Turbine များမှ ဓာတ်အားထုတ်လုပ်ဖြန့်ဖြူးနိုင်ရန် YESC မှ ကြိုးပမ်းစီမံဆောင်ရွက်လျက်ရှိတယ်လို့ အသိပေး ခဲ့ပါတယ်။ အခုလိုဆောင်ရွက်နေချိန်မှာ ယနေ့ မတ် ၂၉ ရက်နံနက် ၅ နာရီမှစ၍ ၂၄ နာရီအတွင်း အုပ်စု ၆ ခုဖြင့် ၄ နာရီနှုန်း ခန့်သာ ရေတင်နိုင်ရန်အတွက် ဓာတ်အားဖြန့်ဖြူးပေးနိုင်မည်ဟု YESC က အသိပေးခဲ့ပါတယ်။ ဒါ့အပြင် နိုင်ငံတော်ဓာတ်အားစနစ်မှ ဓာတ်အားပြန်လည်ချိတ်ဆက်ပို့လွှတ်ပေးနိုင်သည့်အခါတွင် ပုံမှန်အတိုင်း ဓာတ်အားပြန်လည်ဖြန့်ဖြူးပေးနိုင်မည်ဟုလည်း YESC ကအသိပေးခဲ့ပါတယ်။ (NVS 004)