ဒေသစံတော်ချိန် မတ်လ ၂၉ ရက် မနက် ၇:၁၀ တွင် တရုတ်နိုင်ငံ ယူနန်ပြည်နယ်မှ ကယ်ဆယ်ရေးဆေးကုသမှု အဖွဲ့ဝင် ၃၇ ဦး ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိလာခဲ့ပါတယ်။ အဆိုပါအဖွဲ့ဟာ ငလျင်ဖြစ်ပြီးနောက် ၁၈ နာရီအတွင်း မြန်မာနိုင်ငံသို့ ပထမဆုံးရောက်ရှိလာသော အပြည်ပြည်ဆိုင်ရာ ကယ်ဆယ်ရေးအဖွဲ့ ဖြစ်ပါတယ်။ ကယ်ဆယ်ရေးအဖွဲ့ဟာ ပျက်စီးဆုံးရှုံးမှုများသော နေပြည်တော်သို့ အမြန်သွားရောက်ကာ ကယ်ဆယ်ရေးလုပ်ငန်းများ ပါဝင်ဆောင်ရွက်မှာ ဖြစ်တယ်လို့ သိရပါတယ်။ အဆိုပါ အဖွဲ့ကို မြန်မာနိုင်ငံဆိုင်ရာ တရုတ်သံရုံးရဲ့ သံရုံးယာယီတာဝန်ခံ Ms. Cao Jing နှင့် ရန်ကုန်တိုင်းဒေသကြီးဝန်ကြီးချုပ် ဦးစိုးသိန်း တို့က လေဆိပ်တွင် ကယ်ဆယ်ရေးအဖွဲ့ကို ကြိုဆိုခဲ့ကြပါတယ်။ ဒါ့အပြင် ရုရှားသမ္မတ ဗလာဒီမာပူတင် က မြန်မာနိုင်ငံမှာ ဖြစ်ပေါ်ခဲ့တဲ့ ငလျင်ဒဏ်နှင့်ပတ်သက်ပြီး ထိခိုက်ဒဏ်ရာ ရှိခဲ့တဲ့ မြန်မာပြည်သူများနှင့်ထပ်တူခံစားရပြီ စာနာပါကြောင်း ပေးပို့ခဲ့တဲ့အပြင် ရုရှားရဲ့ အရေးပေါ်အခြေအနေ ဝန်ကြီး ဌာနက ရုရှားသမ္မတ ဗလာဒီမာပူတင် ရဲ့ ညွှန်ကြားချက်အရ ငလျင်ကြောင့်ဖြစ်ပေါ်သော အကျိုးဆက်များကို ကိုင်တွယ် ဖြေရှင်းရန် ကယ်ဆယ်ရေးဝန်ထမ်းများနှင့် ဆရာဝန်များပါဝင်သော ကယ်ဆယ်ရေး လေယာဉ် ၂ စီးကို မြန်မာနိုင်ငံသို့ စေလွှတ်လိုက်ခဲ့တယ်လို့ သိရပါတယ်။ (NVS 004)